काठमाडाैं । नेकपा एमालेकी सांसद् रणकुमारी बलम्पाकी मगरले राजनीतिक प्रतिशाेधका आधारमा सरकारले देशैभर शिक्षकहरुकाे सरुवा गरिरहेकाे बताउनुभएकाे छ ।
बुधबार बसेकाे प्रतिनिधि सभा बैठकमा संघीय मामिला तथा सामान्य प्रशासनमन्त्री अमनलाल मोदीले बाेल्नुभएकाे सार्वजनिक महत्त्वको विषयमा जिज्ञासा राख्ने क्रममा उहाँले राजनीतिक प्रतिशाेधका आधारमा भइरहेकाे शिक्षक सरुवा राेक्न माग गर्नुभयाे ।
सांसद् बलम्पाकीले भन्नुभयाे - 'राजनीतिका प्रतिशाेधका आधारमा देशैभर शिक्षकहरुकाे सरुवा गरिएकाे छ, अबिलम्ब उहाँहरुकाे सरुवा राेकियाेस् भन्दै सभामुखमार्फत सरकारकाे ध्यानाकर्षण गराउँछु ।'
