काठमाडाैं । राष्ट्रिय स्वतन्त्र पार्टी (रास्वपा) का सांसद् हरि ढकालले सदनमा हाटा (हाजिर गरेर टाप कस्ने) प्रवृत्ति देखिएकाे भन्दै कडा आपत्ति जनाउनुभएकाे छ ।
आइतबार बसेकाे प्रतिनिधि सभा बैठकमा बाेल्दै सांसद् ढकालले सांसद्हरु हाजिर गरेर टाप कस्ने प्रवृत्तिले सदनकाे कामकारबाही प्रभावित भएकाे बताउनुभयाे ।
हाटा प्रवृत्ति राेक्न सदनकाे बैठक सकिएपछि मात्रै हाजिर गर्ने व्यवस्था गर्न उहाँले सरकारसँग माग गर्नुभयाे । सांसद् ढकालले भन्नुभयाे - 'म सम्मानित सदनलाई हार्दिक अनुराेध गर्न चाहान्छु, बेलका सदनकाे बैठक सकिएपछि पनि हाजिरी गर्ने व्यवस्था गरियाेस्, म चाहिँ बैठक सकिएपछि मात्रै हाजिरी गर्नेछु ।'
हाटा प्रवृत्तिले गणपूरक संख्या नपुगेर संसद् बैठक रोकिएकोमा उहाँले आपत्ति जनाउनुभयाे । 'संसद्काे बैठक सञ्जालन गर्न लाखाैं रुपैयाँ खर्च हुन्छ, यहाँ थिती बसाल्ने बहस बेस्मारी चल्छ, म आश्चर्य चकित भएकाे छु याे ४ महिनामा, चैत २९ गतेकाे बैठकमा हाजिर गर्ने माननीय ज्यूहरु १६२ जना हुनुहुन्थ्याे, बेलका जम्मा ६१ जना, गज्जब लाग्याे, यसलाई हाटा (हाजिर गरेर टाप कस्ने) भन्दाे रहेछ, सदनमा यस्ताे हाटा नचलिदिएहुन्थ्याे, मेराे आग्रह हाे'- ढकालले भन्नुभयाे ।
थिती बसाल्ने ठाउँमा सांसद्हरुकाे गणपुरक संख्या नपुगेर विधेयक नपुग्नुले गलत सन्देश जाने भन्दै उहाँले गणपुरक संख्या नपुगेर चालु अधिवेशनमा २ पटक त विधेयक नै प्रस्तुत हुन नसेकेकाे बताउनुभयाे । सदनकाे गरिमाप्रति गम्भीर नहुने सांसद्ले सदनबाहिर लाेकतन्त्र र संसदीय मर्यादाका कुरा गर्न नसुहाउने सांसद् ढकालले बताउनुभयाे ।
