काठमाडौं । राष्ट्रिय सभाबाट सन्देशसहित प्राप्त सुरक्षण मुद्रणसम्बन्धी विधेयक, २०७७ माथि विचार गरियोस् भन्ने प्रस्ताव प्रतिनिधि सभाबाट सर्वसम्मतिले स्वीकृत भएको छ ।
आइतबार बसेकाे प्रतिनिधि सभा बैठकले साे प्रस्ताव सर्वसम्मतिले स्वीकृत गरेकाे हाे । गत चैत २९ गते बसेकाे प्रतिनिधि सभा बैठकमा गणपूरक संख्या नपुगेपछि साे विधेयकमाथि विचार गरियाेस् भन्ने प्रस्ताव स्वीकृत हुन सकेकाे थिएन ।
बैठकमा सभामुख देवराज घिमिरेले राष्ट्रिय सभाबाट सन्देशसहित प्राप्त सुरक्षण मुद्रणसम्बन्धी विधेयक माथि विचार गरियोस् भन्ने प्रस्ताव निर्णयार्थ पेस गर्दै गर्दै सर्वसम्मतिले स्वीकृत भएकाे घाेषणा गर्नुभयाे ।
साे विधेयकमाथि ७२ घण्टाभित्र संशोधनसहितको प्रस्ताव दर्ता गराउने समय उपलब्ध गराइएको छ ।
