काठमाडाैं । नेकपा एमालेका सांसद् याेगेश भट्टराईले पुष्पकमल दाहाल प्रचण्डले सरकारमा गएपछि सबै कुरा बिर्सने बताउनुभएकाे छ ।
संघीय संसद् भवन परिसर नयाँ बानेश्वरमा आइतबार सञ्चारकर्मीसँग कुरा गर्दै सांसद् भट्टराईले प्रधानमन्त्री प्रचण्डले नै संक्रमणकालीन न्यायसँग सम्बन्धित विधेयक टुंग्याउन नचाहेको बताउनुभयाे ।
उहाँले भन्नुभयाे - 'सत्य निरुपण, मेलमिलाप आयोगसँग सम्बन्धित विधेयक जुन छ, त्यसलाई यो सदनले टुंग्याउनुपर्थ्यो, त्यसमा प्रतिपक्षी दलसँग सामान्य छलफल पनि नगरीकन उहाँहरुले अगाडि सार्नुभयो, त्यसलाई समितिमा लगेर छलफल गरेर टुंग्याउनुपर्छ भन्ने हाम्रो धारणा थियो, तर उहाँहरुले यति संवेदनशील विषयलाई पनि टुंग्याउन चाहानुभएन, बाहिरबाहिर शान्ति प्रक्रिया भनेर भाषण गर्नुहुन्छ, शान्ति प्रक्रिया भन्ने कुरा प्रचण्डको मागिखाने भाँडो भइसकेको छ, अफ्ठ्यारो पर्यो भने शान्ति प्रक्रिया भन्ने, सरकारमा गएपछि शान्ति प्रक्रिया सबै बिर्सिने ।'
प्रचण्डले प्रधानमन्त्री भएकाे बेला त्याे विषय टुंगिनुपर्ने भन्दै सांसद् भट्टराईले त्यसमा एमालेले केही कुरा उठाएकाे र ती सम्बाेधन हुनुपर्ने बताएकाे तर प्रचण्डले बेवास्ता गरेकाे बताउनुभयाे । सरकारले संसद्लाई बिजनेस दिन नसकेकाे भन्दै उहाँले भन्नुभयाे - 'याे सरकारसँग संसद्लाई कसरी चलाउने, कसरी व्यस्त बनाउने र कसरी चलाउने भन्ने याेजना नै छैन ।'
संघीय निजामती, संघीय शिक्षा एेन र संघीय प्रहरी एेन ल्याएर छलफल गर्नुपर्ने भएपनि सरकारले त्याे गर्न नसकेकाे सांसद् भट्टराईले बताउनुभयाे ।
अहिलेकाे सरकार संसद् सदन र जनप्रतिनिधिप्रति उत्तरदायी नरहेकाे उहाँले बताउनुभयाे । व्यवस्थाप्रति नै बद्नाम गर्ने षड्यन्त्रमा सरकार लागेकाे समेत उहाँले बताउनुभयाे ।
