काठमाडाैं । नेपाल मजदुर किसान पार्टीका सांसद् प्रेम सुवालले मिटरब्याज पीडित र लघुवित्त पीडितमाथि प्रहरीले गरेकाे भन्दै आपत्ति जनाउनुभएकाे छ ।
मंगलबार बसेकाे प्रतिनिधि सभा बैठककाे आकस्मिक समयमा बाेल्दै सांसद् सुवालले मिटरब्याज पीडित जनता र लघुवित्त ऋण पीडितमाथि भएकाे आक्रमणबारे प्रधानमन्त्री र गृहमन्त्रीले जवाफ दिनुपर्ने बताउनुभयाे ।
उहाँले भन्नुभयाे - 'काठमाडौं रत्नपार्कमा भेला भएका मिटरब्याज पीडित जनता र इनरुवामा भेला भएका लघुवित्त ऋण पीडित जनतामाथि लाठी प्रहार र दमन गरेको संविधानमा उल्लेख वाक स्वतन्त्रता र शान्तिपूर्ण भेला हुन पाउने स्वतन्त्रताको हकको हनन् हो, जनताको शान्तिपूर्ण भेलामा भएको लाठी प्रहारबारे प्रधानमन्त्री र गृहमन्त्रीलाई संसद्मा स्पष्ट गर्न लगाउनु आवश्यक छ ।'
मिटरब्याज पीडित र लघुवित्त ऋण पीडित जनताको माग पूरा गर्नतर्फ ध्यान दिन पनि सांसद् सुवालले सरकारकाे ध्यानाकर्षण गराउनुभयाे ।
