काठमाडौं । प्रतिनिधि सभाको सचिवमा पद्म प्रसाद पाण्डेय र राष्ट्रिय सभाको सचिवमा डा. सुरेन्द्र अर्याल नियुक्त हुनुभएकाे छ ।
राष्ट्रपति रामचन्द्र पौडेलले प्रतिनिधि सभाका सभामुख देवराज घिमिरेको सिफारिसमा पाण्डेय र राष्ट्रिय सभाका अध्यक्ष गणेशप्रसाद तिमिल्सिनाको सिफारिसमा अर्याललाई बिहीबार सचिव नियुक्त गर्नुभएकाे हाे ।
राष्ट्रपति पाैडेलले संविधानको धारा १०६ को उपधारा १ बमोजिम उहाँहरुलाई सचिवमा नियुक्त गर्नुभएकाे राष्ट्रपति कार्यालयले जनाएकाे छ ।
पाण्डेय महान्यायाधिवक्ताको कार्यालयमा नायब महान्यायाधिवक्तामा कार्यरत हुनुहुन्थ्याे । अर्याल संघीय संसद् सचिवालयमा सहसचिवमा कार्यरत हुनुहुन्थ्याे ।
