काठमाडौं । नेपाली कांग्रेसका सांसद् सुनिल शर्माले नक्कली शरणार्थी प्रकरणमा पक्राउ परेका अभियुक्तहरूलाई संसद्मा बयान दिन बोलाउनुपर्ने माग गर्नुभएकाे छ ।
आइतबार बसेकाे प्रतिनिधि सभा बैठककाे आकस्मिक समयमा बाेल्दै सांसद् शर्माले शरणार्थी प्रकरणमा पक्राउ परेका कम्तिमा दुई जना अभियुक्तलाई सदनमा ल्याएर बयान दिन लगाउनुपर्ने बताउनुभयाे ।
शरणार्थी प्रकरण आफ्नो प्रतिनिधि सभा क्षेत्र मोरङ-३ सँग जोडिएको भन्दै उहाँले त्यस प्रकणबारे आफूले जानकारी लिएकाे बताउनुभयाे । थुनामा राख्दा एउटा बयान र सरकारी वकिलसँगको अर्काे बयान गराउन दबाब दिइएकाे आफूले पाएकाे भन्दै नेता शर्माले संसद्मा बोलाएर बयान गराउन आग्रह गर्नुभयाे ।
उनीहरुलाई मुख्य नायक काे हाे भनेर संसद्बाटै बयान दिन लगाउनुपर्ने उहाँले बताउनुभयेा । सांसद शर्माले भन्नुभयाे - 'मेरो क्षेत्रसँग सम्बन्धित केस भएकाले बुझ्ने क्रममा थुनामा राखिएकालाई भेट्न केही दिन अघि गएँ, भेटेँ, उनीहरुलाई त्यहाँ राखेर बयान गर्ने बेलामा सरकारी वकिलका अगाडि बयान समेत परिवर्तन गर्न प्रेसर हालिने काम भइरहेको छ, सम्भव हुन्छ भने दुई वटा भरियालाई ल्याएर मुख्य नायकहरूको को हुन् भनेर भन्न लगाउनुपर्छ ।'
याे र त्याे राजनीतिक दल नभनी कमशेकम दुई जना पात्रलाई ल्याएर संसद्मा बयान दिन लगाउनुपर्ने उहाँले बताउनुभयाे ।
