काठमाडाैं । प्रधानमन्त्री पुष्पकमल दाहाल प्रचण्डले नक्कली भुटानी शरणार्थी प्रकरणमा दोषी कोही नबच्ने र निर्दोष कोही नफस्ने दाबी गर्नुभएकाे छ ।
आइतबार बसेकाे प्रतिनिधि सभा बैठकपछि संघीय संसद् भवन परिसरमा सञ्चारकर्मीसँग कुरा गर्दै प्रधानमन्त्री प्रचण्डले यस प्रकरणमा अनुसन्धान प्रकिया अगाडि बढिसकेकाे बताउनुभयाे । 'मैले भनेको छु, दोषी कोही बच्न सक्दैन, निर्दोष कोही पनि पर्दैन, सरकारको त्यही जोड छ, आज संसद्मा जसरी विषय उठेको छ त्यसले अझ सरकारको मनोबल बढाउने काम गरेकाे छ ।'
हिरासतमा रहेका व्यक्तिहरुकाे बयान परिवर्तन गराउन दबाब दिएकाे कुरा आइरहेकाे छ नि भन्ने सञ्चारकर्मीकाे प्रश्नमा उहाँले भन्नुभयाे - 'त्याे हाेइन, कसैले त्यहाँ दबाब दिएर केही हुनेवाला छैन ।'
