काठमाडाैं । नेकपा एमालेका सांसद् ठाकुर गैरेले नक्कली भुटानी शरणार्थी प्रकरणबारे सत्यतथ्य बाहिर ल्याउन सरकारकाे ध्यानाकर्षण गराउनुभएकाे छ ।
मंगलबार बसेकाे प्रतिनिधि सभा बैठककाे शून्य समयमा बाेल्दै सांसद् गैरेले नेपाली नागरिकलाई नक्कली भुटानी शरणार्थी बनाएर विदेश पठाउने र त्यसवापत कराेडाैं भ्रष्टाचार गर्नु जघन्य अपराध, राष्ट्रघात र देशद्राेही काम भएकाे उहाँले बताउनुभयाे । यस्ताे काममा संलग्न व्यक्तिहरुलाई छिटाे भन्दा छिटाे कारबाहीकाे दायरामा ल्याउन सांसद् गैरेले सरकारकाे ध्यानाकर्षण गराउनुभयाे ।
उहाँले यस प्रकरणमा संलग्न भनेर केहीलाई पक्राउ गरिएकाे, केही सांसद्सहितका व्यक्तिलाई पक्रन निर्देशन दिइएकाे र संलग्न भनिएका केही सांसद् सदनमै बाेलिरहेकाेबारे सरकारले जवाफ दिनुपर्ने बताउनुभयाे ।
उहाँले भन्नुभयाे - 'हामीले सुनिरहेका छाैं - केही व्यक्तिहरु पक्राउ परेका छन्, केही व्यक्ति र सांसद् भागिराख्नुभएकाे छ ? केही सांसद् नाेटिसमा हुनुहुन्छ तर उहाँ सदमै हुनुहुन्छ सदनमा बाेलिराख्नुभएकाे छ याे के भएकाे हाे ? याे विषयमा छानबिन के भइरहेकाे छ ? यसमा संलग्न काे-काे हुन्, याे सरकारले के गरिरहेकाे छ ?'
