काठमाडाैं । राष्ट्रिय स्वतन्त्र पार्टी (रास्वपा) संसदीय दलका उपनेता विराजभक्त श्रेष्ठले बजेटका सिद्धान्त र प्राथमिकता निराशाजनक रहेकाे बताउनुभएकाे छ ।
मंगलबार बसेकाे प्रतिनिधि सभाको बैठकमा विनियोजन विधेयक, २०८० का सिद्धान्त र प्राथमिकता (प्रि-बजेट) माथिकाे छलफलमा बाेल्दै श्रेष्ठले बजेटका सिद्धान्त र प्राथमिकता निराशाजनक र यथास्थितिकाे निरन्तरता मात्रै रहेकाे बताउनुभयाे ।
बजेटका सिद्धान्त र प्राथमिकताले अहिलेकाे आर्थिक संकटलाई छुन नसकेकाे उहाँले बताउनुभयाे । 'निराशाजनक र यथास्थितिकाे निरन्तरता मात्रै भएजस्ताे लाग्छ, अलिअलि त्यसमा लेपहरु लगाइएकाे छ जसले अलिकति सम्बाेधन गरेजस्ताे देखिएकाे छ, त्यसले अहिलेकाे संकटग्रस्त आर्थिक स्थितिलाई छुन सकेन, याे वास्तविकपरक भएन'- सांसद् श्रेष्ठले भन्नुभयाे ।
बजेटका सिद्धान्त र प्राथमिकतामा अहिलेकाे पुस्तालाई भविष्यसँग जाेड्ने प्राथमिकता कतै नदेखिएकाे पनि उहाँले बताउनुभयाे ।
सबैले समाजवादकाे रटान लगाउने गरेकाे भन्दै सांसद् श्रेष्ठले कति प्रतिशत समाजवाद प्राप्त भयाे अब त्यसकाे रिपाेर्ट कार्ड चाहिने बताउनुभयाे । आम नागरिकले बुझ्ने भाषामा भन्ने हाे भने अहिलेकाे राज्यव्यवस्था दाेहनकारी राज्य व्यवस्था भएकाे भन्दै उहाँले राज्यकाे संयन्त्र प्रयाेग गरेर आम जनताकाे कर र रगत चुसेर दाेहनकारी राज्यव्यवस्था चलेकाे बताउनुभयाे ।
समृद्धिकाे नारा अब पुरानाे भएकाे भन्दै उहाँले अब समवृद्धि चाहिने बताउनुभयाे । बजेटका सिद्धान्त र प्राथमिकताका क्षेत्र तय गर्दा तुलनात्मक लाभका क्षेत्र के-के हुन भनेर पहिचान गर्नुपर्ने भन्दै उहाँले केही सुझाव पनि दिनुभयाे ।
अब सबै मिलेर २१ औं शताब्दीकाे सम्भावना खाेज्नुपर्ने भन्दै उहाँले पुरानाे ब्याज खान छाेड्न पुराना दललाई सुझाव दिनुभयाे ।
सरकार र सदन कसरी चलिरहेकाे भनेर उपत्यकाकाे सडक, बाटाे र गल्ली हेरे पुग्ने सांसद् श्रेष्ठले बताउनुभयाे । जताजतै खाल्डाखुल्डी र धुलाेले उपत्यकाकाे अवस्था बेहाल रहेकाे बताउँदै उहाँले प्रश्न गर्नुभयाे - 'याे सरकारलाई कम्तिमा ती ट्राफिक प्रहरीकाे माया लाग्दैन ?'
याे देशकाे अवस्था हेर्दा आराध्य देव पशुपतिनाथले मात्रै थामेर राखेकाे जस्ताे देखिने भन्दै उहाँले अरु केही नदेखिएकाे बताउनुभयाे ।
