काठमाडाैं । राष्ट्रिय स्वतन्त्र पार्टी (रास्वपा) का प्रमुख सचेतक सन्तोष परियारले नक्कली भुटानी शरणार्थी प्रकरणमा संसद्बाट खेद प्रस्ताव पारित गर्नुपर्ने बताउनुभएकाे छ ।
साेमबार बसेकाे प्रतिनिधि सभा बैठककाे शून्य समयमा बाेल्दै प्रमुख सचेतक परियारले नेपाल र नेपाली राजनीतिलाई नै लज्जित बनाएकाे यस घटनाप्रति लज्जाबोध गरेर संसद्बाट खेद प्रस्ताव पारित गर्न माग गर्नुभयाे ।
यस पक्ररणकाे छानबिन कहाँ पुग्याे भन्नेबारे सदनलाई जानकारी गराउन समेतेे उहाँले गृहमन्त्री नारायणकाजी श्रेष्ठकाे ध्यानाकर्षण गराउनुभयाे । 'नेपाली राजनीतिलाई लज्जित बनाएको सो घटनाबारे नेपाल सरकारका गृहमन्त्रीलाई अनुसन्धान कहाँ पुग्यो ? त्यसको जानकारी सदनलाई गराउन आग्रह गर्दछु, साथै यो घटनाप्रति लज्जाबोध गरेर खेद प्रस्ताव पास गर्न अनुरोध गर्दछु'- परियारले भन्नुभयाे ।
