काठमाडाैं । राष्ट्रिय सभाको राष्ट्रिय सरोकार तथा समन्वय समितिले मेलम्ची खानेपानी आयोजनाको स्थलत अनुगमन गरेको छ ।
मेलम्ची खोलामा आएको बाढीले क्षतिग्रस्त राष्ट्रिय गौरवको मेलम्ची खानेपानी आयोजनाको समितिले साेमबार स्थलत अनुगमन गरेको हाे ।
राष्ट्रिय सभाका अध्यक्ष गणेश प्रसाद तिमिल्सिना, समितिका सभापति माननीय दिलकुमारी रावल (पार्वती) र समितिका सदस्यले सिन्धुपाल्चोकको हेलम्बुस्थित हेडवक्स र काठमाडौं सुन्दरीजलमा रहेको पानी प्रशोधन केन्द्रको स्थलगत अनुगमन गरी आयोजनाको प्रगति र समस्याबारे जानकारी लिनुभयो ।
स्थलगत अनुगमनमा पुग्नुभएका अध्यक्ष तिमिल्सिनाले मेलम्ची खानेपानी विकास समिति खारेजी गर्ने निर्णय हतारमा गरेको बताउनुभयाे । सरकारले यस्ता विषयमा अध्ययन र भविष्यमा पर्ने प्रभावबारे सोचविचार गरी अगाडि बढ्नुपर्ने उहाँकाे सुझाव थियाे । मेलम्ची जस्ता अति आवश्यक राष्ट्रिय गौरवका आयोजनामा बजेट अभाव हुन नदिन नहुने र अन्य आयोजना कटौती गरेर पनि बजेट थप गर्नुपर्ने अध्यक्ष तिमिल्सिनाले बताउनुभयाे ।
समितिका कार्यकारी निर्देशक कमलराज श्रेष्ठले संसदीय अनुगमन समितिलाई आयोजनाका बारेमा जानकारी गराउनुभएको थियो ।
