काठमाडौं । प्रतिनिधि सभाकाे कानुन, न्याय तथा मानवअधिकार समितिले आफ्नो आन्तरिक कार्यविधि पारित गरेको छ ।
बिहीबार सिंहदरबारमा बसेको समिति बैठकले आफ्नो आन्तरिक कार्यविधि पारित गरेको हो । आन्तरिक कार्यविधिका विषयमा सांसद्हरुसँगको छलफलपछि समितिले सर्वसम्मत रुपमा कार्यविधि पारित गरेकाे हाे ।
बिहीबारको बैठकमा प्रस्तुत भएको समितिको आन्तरिक कार्यविधि परिमार्जनसहित पारित भएको हाे ।
कार्यविधिमा बिना जानकारी ५ पटकसम्म बैठकमा अनुपस्थित हुने सांसद्लाई निष्कासन गर्ने सक्ने व्यवस्था समावेश गरिएको छ । पाँच वटा बैठकसम्म निरन्तर उपस्थित हुन नसक्ने भए समिति सभापतिलाई लिखित रुपमै जानकारी गराउनुपर्ने व्यवस्था कार्यविधिमा छ ।
समितिका ज्येष्ठ सदस्य शेरबहादुर देउवा उपस्थित नभएपछि उहाँ पछिका ज्येष्ठ सदस्य मंगलप्रसाद गुप्ताको सभापतित्वमा समितिको बैठक बसेको थियो । समितिकाे सभापति चयन नहुन्जेल ज्येष्ठ सदस्यले बैठककाे अध्यक्षता गर्ने कानुनी व्यवस्था छ।
समितिमा आन्तरिक कार्यविधिका विषयमा सांसदहरुसँगको छलफल पश्चात समिति बैठकले आन्तरिक कार्यविधि सर्वसम्मत पारित गरेको हो ।
समितिका ज्येष्ठसदस्य सभापति मंगलप्रसाद गुप्ताको सभापतित्वमा बसेको बैठकमा सभापति गुप्ताले उक्त कार्यविधि सर्वसहमतले पारित भएको घोषणा गर्नुभयो । उहाँले बिहीबारको बैठकमा प्रस्तुत भएको समितिको आन्तरिक कार्यविधि परिमार्जनसहित पारित भएको बताउनु भयो ।
