नक्कली शरणार्थी प्रकरणको निष्पक्ष छानबिन हुन्छ, निर्दोष पर्दैन, दोषी उम्किँदैन : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल प्रचण्डले भुटानी शरणार्थी प्रकरणमा निष्पक्ष छानबिन हुने बताउनुभएको छ ।

बिहीबार प्रतिनिधि सभा बैठकमा सांसदहरूले उठाउनुभएको प्रश्नको जवाफ दिँदै दाहालले सो मुद्दा कुनै पार्टी, सरकार, नेता वा व्यक्ति विशेषको नभएको बताउनुभयो । सो विषय अब जनता, देश र अन्तराष्ट्रिय चासोको विषय भएको दाहालले बताउनुभयो ।

सो घटनाका कुनै पनि दोषी नउम्किने र निर्दोलाई पर्न दिनुहुँदैन भन्ने सरकार दृढ रहेको बताउनुभयो । दाहालले सो घटनामा कोही पनि नउम्किने र कोही पनि निर्दोष नफस्ने कुरामा निश्चिन्त हुन आग्रह गर्नुभयो ।

दाहालले आफ्नो तर्फबाट सो घटनाका सन्दर्भमा कुनै दबाब नदिएको बताउनुभयो । आफू प्रधानमन्त्रीको हैसियतले गृह मन्त्रीलाई घटनाको निष्पक्ष छानबिनको काम गर्न निर्देशन दिएको बताउनुभयो ।