काठमाडाैं । नेकपा एमालेका सांसद् रघुजी पन्तले सांसद्ले प्रधानमन्त्रीलाई साेध्न तयार पारेका प्रश्न आउट भएकाे भन्दै कडा आपत्ति जनाउनुभएकाे छ ।
बिहीबार बसेकाे प्रतिनिधि सभा बैठकमा प्रधामन्त्री पुष्पकमल दाहाल प्रचण्डलाई प्रश्न साेध्ने क्रममा सांसद् पन्तले सांसदहरूले सोध्ने प्रश्न संसद्मा सोधिनुअघि नै कसले आउँट गर्यो ? भनेर प्रश्न गर्नुभयाे ।
प्रधानमन्त्रीसँगको प्रश्नोत्तरमा यसरी प्रश्न बाहिर आउनु राम्रो नहुने भन्दै उहाँले आइन्दा त्यसरी प्रश्न बाहिरिन नहुनेमा ध्यानाकर्षण गराउनुभयाे । उहाँले भन्नुभयाे - 'प्रश्न कसले आउट गर्याे ? संसद्भित्र प्रधानमन्त्रीलाई प्रत्यक्ष प्रश्न साेध्ने विशेषाधिकार सांसद्काे मात्र हाे, सांसद्ले नसाेध्दै ती प्रश्नहरु अखबार र सञ्चार माध्यममा आउनु राम्राे हाेइन, आइन्दा यहाँ प्रश्न साेध्नुअघि सांसद्काे प्रश्न नबाहियाेस् ।'
