काठमाडाैं । राष्ट्रिय स्वतन्त्र पार्टी (रास्वपा) का सांसद् मनिष झाले प्रधानमन्त्रीसँग सांसद्हरुको प्रत्यक्ष प्रश्नोत्तर म्याच फिक्सिङ गरिएको खेल जस्तो भएको बताउनुभएकाे छ ।
बिहीबार बसेकाे प्रतिनिधि सभा बैठकपछि संसद् भवन परिसरमा सञ्चारकर्मीसँग कुरा गर्दै सांसद् झाले आफ्नो पार्टीबाट राखिएको प्रश्नको उत्तर नआएको बताउनुभयाे ।
पूर्व निर्धारित प्रश्नहरु पठाएर पर्याप्त गृहकार्य गरेर आएर दिएको जवाफ रोचक नभएको उहाँले बताउनुभयाे । 'म्याच फिक्सिङ भयो, पूर्व निर्धारित प्रश्नहरु पठाएर पर्याप्त गृहकार्यहरु गरेर आएर दिएको जवाफ त्यति रोचक हुँदैन, भ्रष्टाचार सम्बन्धी प्रश्नमा हाम्रो पार्टीको सांसद् शिशिरले प्रश्न हेलिकप्टरको पैसा कसले तिर्छ चुनावको बेला प्रयोग गरिएको को ? आचार संहिता मिचेकोमा कसले सजाय पाउँछ ? भन्ने प्रश्नको उत्तर आएन, यस्तो पश्नहरुको उत्तर दिने आँट छैन, यो म्याचफिक्सिङ गरिएको खेल यो जस्तो लाग्यो'- सांसद् झाले भन्नुभयाे ।
प्रश्नोत्तरको अभ्यास हुनु राम्रो कुरा भएतापनि यसको अभ्यास सुधार्न आवश्यक रहेको उहाँले बताउनुभयाे ।
