काठमाडौं । नेपाली कांग्रेसका सांसद् जितेन्द्र नारायण देवले नक्कली शरणार्थी प्रकरणकाे निष्पक्ष छानबिन हुनुपर्ने बताउनुभएकाे छ ।
शुक्रबार बसेकाे राष्ट्रिय सभा बैठकमा विशेष समय लिएर बोल्दै सांसद् देवले याे प्रकरण राज्यविरुद्धको अपराध भएकाले छानबिनमा सरकारले खट्टा कमाउन नहुने बताउनुभयाे ।
भ्रष्टाचारको मामलामा खुट्टा नकमाई निडर र निष्पक्ष भएर काम गर्न सरकारलाई आग्रह गर्दै उहाँले शरणार्थी प्रकरणमा संलग्न जोकोही भएपनि कारबाही हुनुपर्ने बताउनुभयाे । 'यो इन्भेष्टिगेशनको प्रकरणमा कोही निर्दोष फस्नुहुन्न, कोही दोषी छुटनुहुन्न, कोही दोषी, चाहे जोसुकैहोस् दोषी छुटनुहुन्न, दूधको दूध, पानीको पानी हुनुपर्दछ'- सांसद् देवले भन्नुभयाे ।
नक्कली भुटानी शरणार्थी प्रकरणमा राजनीतिक हस्तक्षेप हुन नदिन सरकारलाई सचेत गराउँदै सांसद् देवले यसको अनुसन्धानमा नेपाल प्रहरीमाथि कुनै पनि खालको हस्तक्षेप स्वीकार्य नहुने चेतावनी दिनुभयाे ।
अहिले देशकाे सबैभन्दा मुख्य समस्या भ्रष्टाचार भएकाे भन्दै उहाँले देशमा सुशासन कायम गर्न भ्रष्टाचार अन्त्य गर्नुपर्ने बताउनुभयाे ।
