काठमाडौं । प्रतिनिधि सभाको बैठक आज बस्दैछ ।
संघीय संसद् भवन नयाँ बानेश्वरमा बिहान ११ बजे बस्ने बैठकमा आर्थिक वर्ष २०८०-८१ को लागि सरकारको वार्षिक नीति तथा कार्यक्रममाथि छलफल हुँदैछ ।
बैठकमा प्रधानमन्त्री पुष्पकमल दाहाल प्रचण्डले 'सम्माननीय राष्ट्रपति महोदयले २०८० जठे ५ गते शक्रुबार संघीय संसदको दुवै सदनको संयुक्त बैठकमा पेस गर्नुभएको सम्बोधनमा उल्लिखित आ.व. २०८०-०८१ को नेपाल सरकारको वार्षिक नीति तथा कार्यक्रममाथिको छलफल प्रारम्भ गरियोस्' भनी प्रस्ताव प्रस्तुत गर्नुहुनेछ ।
बैठकम नीति तथा कार्यक्रममाथि सांसद्हरुबाट प्राप्त संशोधनहरू प्रस्तुत हुने र सम्बोधनमाथि छलफल गरिने कार्यसूची रहेकाे संसद् सचिवालयले जनाएकाे छ ।
प्रतिनिधि सभामा जेठ ७, ८, ९, १० र ११ गतेसम्म नीति तथा कार्यक्रममाथि छलफल हुनेछ । छलफलमा सांसद्ले उठाएका प्रश्नहरुको प्रधानमन्त्री पुष्पकमल प्रचण्डले जवाफ दिनुहुनेछ ।
राष्ट्रपति पाैडेलले वैशाख ५ गते संघीय संसद्का दुवै सदन प्रतिनिधि सभा र राष्ट्रिय सभामा सरकारकाे नीति तथा कार्यक्रम प्रस्तुत गर्नुभएकाे थियाे ।
