काठमाडाैं । प्रमुख प्रतिपक्षी नेकपा एमालेका अध्यक्ष एवं संसदीय दलका नेता केपी शर्मा ओलीले कमीकमजाेरी आफूले गर्ने र दाेष अर्काकाे टाउकाेमा थाेपर्ने प्रवृत्ति छाड्न सरकारकाे ध्यानाकर्षण गराउनुभएकाे छ ।
आइतबार बसेकाे प्रतिनिधि सभा बैठकमा सरकारकाे नीति तथा कार्यक्रममाथिकाे छलफलमा बाेल्दै अध्यक्ष ओलीले राष्ट्रिय राजनीतिलाई संवाद, सहमति र सहकार्यको बाटोतिर फर्काउन प्रधानमन्त्री पुष्पकमल दाहाल प्रचण्डकाे ध्यानाकर्षण बताउनुभयाे । उहाँले भन्नुभयाे - 'कमीकमजाेरी आफूले गर्ने र दाेष अर्काकाे टाउकाेतिर लगाइदिने याे खालकाे परिपार्टीलाई छाेड्नुपर्छ र एउटा संवाद, सहमति र सहकार्यको बाटोतिर राष्ट्रिय राजनीतिलाई फर्काउनुपर्छ, त्यतापट्टी म प्रधानमन्त्रीजीकाे ध्यानाकर्षण गराउन चाहान्छु ।'
लाेकतन्त्रप्रतिकाे निष्ठा र अटल प्रतिबद्धताका कारण आफूहरुले धाँधली हुँदा पनि चुनावकाे परिणाम स्वीकारेकाे अध्यक्ष ओलीले बताउनुभयाे । न्याय र समृद्धि लाेकतन्त्रकाे अर्थपूर्ण परिभाषा भएकाे उहाँकाे भनाइ छ ।
