काठमाडाैं । प्रमुख प्रतिपक्षी नेकपा एमालेका सांसद् एकनाथ ढकालले त्रिभुवन अन्तर्राष्ट्रिय विमानस्थलबाट भारतीय सुरक्षाकर्मी हटाउन सरकारसँग माग गर्नुभएकाे छ ।
आइतबार बसेकाे प्रतिनिधि सभा बैठकको शून्य समयमा बोल्दै सांसद् ढकालले नेपाली भूमिमा भारतले सुरक्षाकर्मी राख्नु गलत भएकाे बताउनुभयाे ।
एउटा सार्वभाैसम्पन्न राष्ट्रका लागि याे कति शाेभायमान विषय हाे भन्दै उहाँले प्रश्न गर्नुभयाे । सांसद् ढकालले भन्नुभयाे - 'केही हप्ताअघि भारतको अयोध्यामा आयोजित एक कार्यक्रममा भाग लिन जाने क्रममा त्रिभुवन अन्तर्राष्ट्रिय विमानस्थलमा नेपाली सुरक्षाकर्मीको सबै सुरक्षा पास गरेर एयर इण्डियामा चढ्नुअघि भारतीय सुरक्षाकर्मीबाट शरीरको खानतलासी गर्ने काम भयो, त्यो सर्वसाधारणका लागि मात्र होइन नेपाली कूटनीतिज्ञका लागि पनि भयो, एउटा सार्वभौमसम्पन्न राष्ट्रका लागि यो कति शोभायमान विषय हो ?'
उहाँले भारत भ्रमणका क्रममा यस विषयमा कुरा गर्न र भारतीय सुरक्षाकर्मी विमानधानमन्त्री पुष्पकमल दाहाल प्रचण्डकाे ध्यानाकर्षण गराउनुभयाे । 'प्रधानमन्त्री भारत भ्रमण गर्न जाँदै हुनुहुन्छ, नेपालको अन्तर्राष्ट्रिय एयरपोर्टबाट भारतीय सुरक्षाकर्मीलाई हटाउनका लागि म सरकारको ध्यानाकर्षण गराउन चाहन्छु'- सांसद् ढकालले भन्नुभयाे ।
नीति तथा कार्यक्रमाथि संशाेधन प्रस्ताव पेस गर्ने क्रममा पनि ढकालले साे विषय उठाउनुभएकाे थियाे ।
