काठमाडाैं । नेकपा एमालेका सांसद् रघुजी पन्तले कक्षा १० काे पाठ्यपुस्तकबाट डा. सन्दुक रुइतकाे जीवनी हटाइएकाे भन्दै आपत्ति जनाउनुभएकाे छ ।
मंगलबार बसेकाे प्रतिनिधि सभा बैठककाे शून्य समयमा बाेल्दै सांसद् पन्तले देशकाे इज्जत बढाउने डा.रुइतकाे जीवनी किन हटाइयाे भन्नेबारे स्पष्ट पार्न शिक्षामन्त्रीकाे ध्यानाकर्षण गराउनुभयाे । उहाँले भन्नुभयाे - 'कक्षा १० काे नेपाली पाठ्यक्रममा राखिएकाे डा सन्दुक रुइतकाे बारेमा लेखिएकाे ८ पृष्ठकाे जीवनी हटाइएकाे छ, त्यसलाई अरु के-के मा राखियाे, डा. रुइतका कारण हाम्राे देशकाे इज्जत बढेकाे छ, त्याे जीवनी पढाउन आवश्यक भएर राखिएकाे थियाे, किन हटाइयाे ? म शिक्षामन्त्रीबाट यसकाे स्पष्ट जवाफ चाहान्छ ?'
सांसद् पन्तले कालिकाेटकाे पचालझरना गाउँपालिकाकाे स्थानीय पाठ्यक्रममा जनयुद्धसम्बन्धी सकारात्मक प्रभाव दिने विषयवस्तु राखिएकाेमा पनि आपत्ति जनाउनुभयाे । उहाँले भन्नुभयाे - 'कालिकाेटकाे पतालझरनामा जहाँ प्रधानमन्त्रीकाे पार्टीले चुनाव जितेकाे छ, त्यहाँ ६ देखि ८ कक्षासम्मकाे पाठ्यक्रममा सशस्त्र द्वन्द्व माओवादी जनयुद्धबारे सकारात्मक प्रभावबारे विभिन्न अध्याय काेर्सबुकमा राखिएकाे छ, याे काम कसैले नगराैं ।'
एमालेले झापा विद्राेहबारे, नेपाली कांग्रेसले २०१८ सालकाे सशस्त्र संघर्षबारे, राप्रपाले पञ्चायत र राजतन्त्रबारे काेर्सबुकमा राख्न थाल्याे भने राम्राे नहुने सांसद् पन्तले गर्नुभयाे ।
