काठमाडौं । प्रतिनिधि सभा सदस्य मानवीर राईले सत्ता पक्षले विपक्षलाई सहमतिमा लिएर अघि बढ्नु पर्नेमा सत्ता पक्ष नै प्रतिपक्ष विरुद्ध अनेक आरोप लगाउन उत्रिएको बताउनुभएको छ ।
मंगलबार प्रतिनिधि सभा बैठकमा सरकारले प्रस्तुत गरेको नीति तथा कार्यक्रम माथिको छलफलमा बोल्दै राईले सत्ता पक्ष प्रतिपक्षका विरुद्ध आक्रामक रूपमा उत्रिएको भन्दै राईले आलोचना गर्नुभयो । ‘भ्रष्टाचार भयो प्रतिपक्षलाई आरोप, सरकार कसको छ ? किन कारबाही गर्नुभएन ? के हेरेर बस्नु भएको हो छ ?’, उहाँले प्रश्न गर्नुभयो ।
प्रतिपक्षले भ्रष्टाचार गरेको भए सरकारको सबै निकाय र जिम्मा लिएर बसेको पार्टी के हेरेर बसेको भन्दै उहाँले प्रश्न गर्नुभयो । यो कुरालाई नेपाली जनताले हरिरहेका छन् भन्ने कुरा नबिर्सन उहाँले सरकारलाई आग्रह गर्नुभयो ।
नेपालको विकासको प्रमुख आधार, कृषि, पर्यटन र जलविद्युत नै भएको राईले बताउनुभयो । त्यसमा सरकारको नीति तथा कार्यक्रमको ध्यान पुग्न नसकेको उहाँको भनाइ छ ।
देशको विकास र समृद्धि त्यसै नहुने बताउँदै राईले त्यसमा सरकारको ध्यान नगएको बताउनुभयो । प्रहरीलाई तलब समेत खुवाउन नसक्ने सरकारले ठुलो परिवर्तनको सपना देख्नु निरर्थक भएको उहाँले टिप्पणी गर्नुभयो ।
