काठमाडाैं । राष्ट्रिय स्वतन्त्र पार्टी (रास्वपा) का सभापति रवि लामिछानेलेनक्कली भुटानी शरणार्थी प्रकरणकाे छानबिनका लागि संसदीय विशेष समिति बनाउन माग गर्नुभएकाे छ ।
बुधबार बसेकाे प्रतिनिधि सभा बैठकमा समय मागेर बाेल्दै सभापति लामिछानेले शरणार्थी प्रकरणमा संसदीय विशेष समिति बनाएर छानबिन गर्न माग गर्नुभयाे ।
यस प्रकरणमा नाम आएकाहरुलाई अनुसन्धानकाे दायरामा नल्याइएकाे र अहिलेकाे भइरहेकाे अनुसन्धानले दोषी उम्किने खतरा रहेको भन्दै उहाँले संसदीय छानबिन बनाएर छानबिन गर्न माग गर्नुभयाे ।
प्रमुख ३ दल वार्तामा बस्नुले आशंका उत्पन्न भइरहेकाे पनि सभापति लामिछानेले बताउनुभयाे । 'तीन दल खुसुर खुसुर बसेका छन्, हामीले आशंका व्यक्त गरेका थियौं, आरोप लाग्न आज कुनै दल दल बाँकी छैन, अनुसन्धान गर्ने निकायकै प्रमुखहरूकाे नाम आइरहेको छ, अध्यारो कोठामा गल्लीमा भएको छैन याे काम, दिनदहाडै उज्यालोमा, प्रधानमन्त्री कार्यालयमा, मन्त्री क्वाटरमा र सिंहदरबारमा लेनदेन भएको छ, यसकाे संसदीय समिति गठन गरेर छानबिन गर्नुपर्छ' - उहाँले भन्नुभयाे ।
नाम मुछिएका सबैलाई छानबिनकाे दायरामा ल्याउन पनि सभापति लामिछानेले माग गर्नुभयाे । 'जसजसको नाम आएको छ, तिनीहरुलाई छानबिनको दायरामा ल्याउन, सोधपुछ गर्न किन डराएको ? गृहमन्त्रीले मुटु दह्रो छ भन्नुभएको थियो, प्रधानमन्त्रीले मुटु दह्रो छ भन्नुभएको थियो, उहाँको मुटु कहाँ गएर चेक गर्ने ? त्यसकारण नाम मुछिएकाहरुलाई सोधपुछ हुनुपर्यो'- उहाँले भन्नुभयाे ।
