काठमाडाैं । नेकपा एमालेका प्रमुख सचेतक पदम गिरीले सत्ता पक्षका सांसद्ले कुनै तथ्य र प्रमाणबिना प्रमुख प्रतिपक्षी दलका नेतामाथि लगाएकाे आराेपबारे जवाफ दिन सरकारसँग माग गर्नुभएकाे छ ।
शुक्रबार बसेकाे प्रतिनिधि सभा बैठककाे सुरुमै बोल्दै प्रमुख सचेतक गिरीले माओवादी केन्द्रका सांसद् लेखनाथ दाहालले एमाले अध्यक्ष केपी शर्मा ओलीमाथि बिनाआधार भ्रष्टाचारको आरोप लगाएको भन्दै कडा आपत्ति जनाउनुभयाे ।
बुधबार बसेकाे प्रतिनिधि सभा बैठकमा सांसद् दाहालले केपी ओली नेतृत्वको सरकारले पशुपतिनाथ मन्दिरमा राखिएको जलहरीमा सुनको सट्टा पित्तल हालेको गम्भीर आराेप लगाउनुभएकाे थियाे । साेही आराेपकाे एमालेले आज विराेध गरेकाे हाे ।
यसबारे सदनमार्फत सम्पूर्ण नेपाली जनतालाई जानकारी दिन प्रमुख सचेतक गिरीले सरकारसँग माग गर्नुभयाे । उहाँले भन्नुभयाे - 'यदि पशुपतिनाथ मन्दिरकाे गजुरमा लगाइएकाे जलारी सुन हाेइन, पित्तल हाे भनेदेखि म याे सरकारसँग माग गर्न चाहान्छु- यसबारे सरकारले जवाफ दिनुपर्छ, सुन हाेकि पित्तल ? यसकाे यथार्थ के हाे ? सदनमार्फत आम नेपाली जनताले बुझ्न पाउनुपर्छ, याे विषयकाे जवाफ नआउँदासम्म याे सदन एक इञ्च अगाडि बढ्नेवाला छैन ।'
प्रमुख प्रतिपक्षमाथि नियाेजित ढंगले एकपछि अर्काे ढंगले जान खाेजिएकाे भन्दै प्रमुख सचेतक गिरीले सदनमा मनलाग्दी नबाेल्न सत्तापक्षकाे ध्यानाकर्षण गराउनुभयाे । उहाँले भन्नुभयाे - 'हामी भन्न चाहान्छाैं - कुनैपनि भ्रष्टाचारका मुद्दामा काेही पनि दाेषी उम्किन नपाओस् निर्दाेष काेही पनि नफसाेस्, मुलुकमा सुशासनकाे ग्यारेन्टी गर्नेगरी राष्ट्रिय माहाेल बन्नुपर्छ, प्रमुख प्रतिपक्षकाे हैसियतले हामी त्यसमा साथ दिन तयार छाैं, तर तथ्यहीन र आधारहिन ढंगले हामीमाथि लगाइएकाे जुन आराेप छ, त्यस विषयमा सरकारकाे धारणा के हाे ? सरकारले त्याे सुन हाे कि पित्तल हाे भन्ने कुरा स्पष्ट ढंगले जानकारी दिनुपर्छ ।'
प्रमुख प्रतिपक्षी नेतामाथि मनलाग्दी रुपमा गम्भीर आराेप लगाउने सांसद् दाहाललाई माफी माग्न लगाउन र सदनकाे रेकर्टबाट उहाँकाे अभिव्यक्ति हटाउन पनि प्रमुख सचेतक गिरीले मागगर्नुभयाे ।
एमाले सधैं भ्रष्टाचार विरुद्ध र सुशासनकाे पक्षमा रहेकाे स्मरण गराउँदै उहाँले जुनसुकै क्षेत्रमा जुनसुकै व्यक्तिबाट भ्रष्टाचार भएपनि त्यसलाई छानबिनकाे दायरामा ल्याएर दाेषी देखिए कारबाही गर्न माग गर्नुभयाे ।
'देशमा मुख्य चुनाैती भनेकाे भ्रष्टाचार हाे, जुनसुकै रुप रंगमा भएका हाैन् जुनसुकै क्षेत्रमा भएका हुन् सबैखाले भ्रष्टाचारीकाे मनाेबल गिराउनुपर्ने बेला आएकाे छ, देशलाई भ्रष्टाचारमुक्त बनाएर अगाडि नबढ्ने हाे भने समृद्धिकाे सपना पूरा हुनेवाला छैन याे हामी सबैले बुझेका छाैं त्यसका निम्ति एमालेले भ्रष्टाचारविरुद्ध देशव्यापी अभियान चलाउँछ, आम जनतालाई जागरुक-सजग गराउँछ, याे सदनमा पनि भ्रष्टाचारका विरुद्धमा निरन्तर छलफल गर्नुपर्छ र भ्रष्टाचारीलाई याे मुलुकमा तिमीहरुकाे भविष्य सदाका निम्ति तिमीहरुकाे भविष्य छैन भन्ने ठाउँमा पुर्याउनुपर्छ, त्याे दायित्व त्याे जिम्मेवारी हाम्राे काँधमा छ'- गिरीले भन्नुभयाे ।
विगतका भएका भ्रष्टाचारका सबै फाइल खाेल्न माग गर्दै उहाँले भन्नुभयाे - 'भ्रष्टाचारका अनेक फाइल खाेलाैं, एक-एक भ्रष्टाचारीलाई कारबाही गराैं, जनतामा नयाँ उत्साह भर्ने काम गराैं, त्याे हाम्राे जिम्मेवारी हाे त्याे जिम्मेवारीबाट हामी पन्छिन मिल्दैन, यस ढंगले लाग्नुपर्नेछ तर पछिल्लाे समय सदनमा भ्रष्टाचारका विषय मनलाग्दी उठाइएकाे छ, संसारमा प्रतिपक्षले सत्तापक्षलाई विभिन्न विषयमा झकझकाउने गर्छ, तर यहाँ त दुर्भाग्य के छ भने बिना आधार बिना प्रमाण प्रमुख प्रतिपक्ष दलकाे नेतालाई इंगित गर्दै भ्रष्टाचार गरेकाे कुरा यही सदनकाे राेष्टमबाट बताइन्छ ।'
पार्टी अध्यक्ष ओलीमाथि सांसद् दाहालले लगाएकाे आराेपकाे प्रमुख सचेतक गिरीले भर्त्सना र निन्दा गर्नुभयाे । 'जेठ १० गते यही राेष्टमबाट सत्तापक्षका लेखनाथ दाहालले एमाले नेतृत्व सरकार हुँदा केपी शर्मा ओलीज्यूले पशुपतिमा जलाहरी लगाउने नाममा सुनकाे सट्टा पित्तल लगाएर भ्रष्टाचार गरेकाे भन्ने गम्भीर आराेप लगाउनुभएकाे छ, याे आराेप कसरी आएकाे छ के तथ्यमा उभिएर आएकाे छ सत्तापक्षले कुनै प्रमाण र तथ्यबिना आराेप लगाउने कुरा हामीलाई कदापी स्वीकार हुँदैन हामी यसकाे भर्त्सना र निन्दा गर्छाैं ।'
'अब यदि पशुपतिकाे गजुरमा लगाइएकाे जलारी त्याे सुन हाेइन पित्तल हाे भनेदेखि म याे सरकारसँग माग गर्न चाहान्छु यसबारे सरकारले जवाफ दिनुपर्छ, सुन हाेकि पित्तल नेपाली जनताले यसकाे यथार्थ के हाे सदनमार्फत आम नेपाली जनताले बुझ्न पाउनुपर्छ याे विषयकाे जवाफ नआउँदासम्म याे सदन एक इञ्च अगाडि बढ्नेवाला छैन ।
'प्रतिपक्षमाथि नियाेजित ढंगले एकपछि अर्काे ढंगले जान खाेजिएकाे छ । हामी भन्न चाहान्छाैं कुनैपनि भ्रष्टाचारका मुद्दामा काेही पनि दाेषी उम्किन नपाओस् निर्दाेष काेही पनि नफसाेस् मुलुकमा सुशासनकाे ग्यारेन्टी गर्नेगरी राष्ट्रिय माहाेल बन्नुपर्छ भन्ने पक्षमा हामी छाैं प्रमुख प्रतिपक्षकाे हैसियतले हामी त्यसमा साथ दिन तयार छाैं तथ्यहीन र आधारहिन ढंगले हामीमाथि लगाइएकाे जुन आराेप छ, त्यस विषयमा सरकारकाे धारणा के हाे सरकारले त्याे सुन हाे कि पित्तल हाे भन्ने कुरा स्पष्ट ढंगले जनाकारी दिनुपर्छ ।'
एमाले संसदीय दलका उपनेता सुवासचन्द्र नेम्वाङले आफूहरु सदन रोक्न नहुने पक्षमा रहेको भएपनि सत्तापक्षको तर्फबाट जिम्मेवार सांसद्ले राखेको कुरा गैर जिम्मेवार रहेकाले विरोध गर्नुपरेको बताउनुभयाे । प्रमुख प्रतिपक्षी दलका नेतामाथि सदनमा गम्भीर प्रश्न उठेपनि यो आरोप टाउकोमा बोकेर सदनमा भाग लिन नसकिने उहाँले प्रष्ट पार्नुभयाे ।
