काठमाडाैं । नेकपा एमालेकी सांसद् ईश्वरी घर्तीले केपी शर्मा ओली नेतृत्वकाे एमाले सरकारले थालेका गाैरवका आयाेजना वर्तमान सरकारले राेकेकाे भन्दै आपत्ति जनाउनुभएकाे छ ।
शनिबार बसेकाे प्रतिनिधि सभा बैठकमा प्रधानमन्त्री पुष्पकमल दाहाल प्रचण्डले नीति तथा कार्यक्रममाथि दिएकाे जवाफमा स्पष्टिकरण माग गर्दै उहाँले राेल्पामा निर्माण थालिएकाे १ सय ५६ मेगावाटकाे माडी जलाशययुक्त जलविद्युत आयाेजना अहिलेकाे सरकारले राेकेकाे भन्दै आपत्ति जनाउनुभयाे ।
'एमाले अध्यक्ष केपी शर्मा ओली प्रधानमन्त्री भएका बेला २०७६ असाेज २५ र २६ गते चिनियाँ राष्ट्रपतिकाे नेपाल भ्रमण भयाे, साे भ्रमणका क्रममा चिनियाँ र नेपाल सरकारकाे साझेदारी रहनेगरी राेल्पामा १५६ मेगावाटकाे माडी जलाशययुक्त जलविद्युत आयाेजना निर्माण गर्ने सम्झाैता भयाे, तर ४ वर्षपछि अहिलेकाे सरकारले जेठ ६ गते उक्क याेजना काटेर राेल्पामा रहेकाे सम्पर्क कार्यालय समेत उठाएर काठमाडाैं ल्याउने काम गर्याैं' - सांसद् घर्तीले भन्नुभयाे ।
राेल्पाली जनतालाई आशा देखाएर निराशा पार्ने काम सरकारले गरेकाे भन्दै सांसद् घर्तीले परिसकेकाे याेजना काटेर सरकारले गलत गरेकाे बताउनुभयाे । उहाँले प्रश्न गर्नुभयाे - 'परिसकेकाे याेजना, अन्तर्राष्ट्रिय स्तरमा भएकाे सम्झाैतालाई समेतलाई ताेडेर, गाैरवकाे याेजना काट्ने काम भयाे, राेल्पाली जनतालाई आशा देखाएर याेजना काट्छ भने याे सरकार अग्रमनकारी हाे कि प्रतिगमनकारी ?'
