काठमाडौं । प्रधानमन्त्री पुष्पकमल दाहाल प्रचण्डले नागरिकता विधेयक प्रमाणीकरणका लागि मन्त्रिपरिषद्ले राष्ट्रपति रामचन्द्र पाैडेललाई पत्र पठाएकाे बताउनुभएकाे छ ।
शनिबार बसेकाे प्रतिनिधि सभा बैठकमा सरकारकाे आगामी आर्थिक वर्षकाे नीति तथा कार्यक्रममाथि सांसद्ले उठाएका प्रश्नकाे जवाफ दिँदै प्रधानमन्त्री प्रचण्डलेमन्त्रिपरिषद्ले पठाएको पत्र राष्ट्रपतिकोमा पुगिसकेको बताउनुभयाे ।
शुक्रबार बसेको मन्त्रिपरिषद् बैठकको निर्णयअनुसार शीतल निवासमै होल्डमा रहेको नागरिकतासम्बन्धी विधेयक प्रमाणीकरणका लागि राष्ट्रपति पाैडेललाई पत्राचार गरिसकिएको उहाँले जानकारी दिनुभयाे ।
'त्याे नागरिकता विधेयकलाई क्याबिनेटले विगतको विवरणसहित राष्ट्रपतिसमक्ष त्यसलाई प्रमाणीकरणका निम्ति अनुरोध गर्ने निर्णय गरेको छ, त्यो पत्र राष्ट्रपतिकोमा पुगेको छ, मलाई विश्वास छ राष्ट्रपतिले यसलाई प्रमाणीकरण गरेर नागरिकतासम्बन्धी विगतमा हामीले जे दुवै सदनबाट पारित गरेर पठाएका थियौंत्यो समस्याको यो पटक समाधान हुन्छ भन्ने विश्वास लिएका छाैं'- प्रधानमन्त्रीले भन्नुभयाे ।
