काठमाडौं । संघीय सरकारको आर्थिक वर्ष २०८०/०८१ को बजेट संघीय संसदमा प्रस्तुत भइरहेको छ ।
संघीय सरकारका अर्थ मन्त्री डा. प्रकाशरण महतले सरकारको बजेट संघीय संसद् संयुक्त बैठकमा प्रतिनिधि सभामा प्रस्तुत गर्दै हुनुहुन्छ । साेमबारअपरान्ह बजेट प्रस्तुत गर्दै महतले आगामी बजेट मुलुकको अर्थतन्त्रमा देखिएको चुनौती समाधान गर्दै अर्थतन्त्रलाई चलायमान गराउने बजेट ल्याउन लागेको बताउनुभयो ।
उच्च दिगो एवं आर्थिक वृद्धि सहितको सबल अर्थतन्त्र निर्माण गर्ने तर्फ आगामी आर्थिक वर्षको बजेट निर्देशित गरेको उहाँले बताउनुभयो । आम जनताको विकास र समृद्धिको चाहनालाई बजेटले सम्बोधन गर्ने उहाँले दाबी गर्नुभयो ।
सबै क्षेत्र र वर्गलाई पहुँचमा ल्याउन बजेट केन्द्रित हुने उहाँले दाबी गर्नुभयो । उद्यमशीलता विकास गरी गरिबी न्यूनीकरण गर्ने दिशामा बजेट उन्मुख रहेको उहाँले बताउनुभयो । ‘आगामी बजेट समृद्धि, सुशासन र सामाजिक न्याय कायम गर्न लक्षित हुने छ’, महतले भन्नुभयो ।
गठबन्धन सरकारको न्युनतम साझा कार्यक्रममा टेकेर नै बजेट आएको उहाँले बताउनुभयो । जनतामा आशा र भरोसा सञ्चार गर्ने जिम्मेवारी बोध गरेर बजेट बनाएको महतले बताउनुभयो ।
