काठमाडौं । नेपालमा अब अनलाइनबाट नै उद्योग दर्ता र खारेज गर्न पाइने भएको छ ।
नागरिकले उद्योग दर्ता गर्दा भोग्नु पर्ने झण्झट र देखाउनु पर्ने पुँजीको समस्या हटेको अर्थमन्त्री डा. रामशरण महतले बताउनुभयो ।
सोमबार संघीय संसद्को संयुक्त बैठकमा सरकारको आर्थिक वर्ष २०८०/०८१ को बजेट प्रस्तुत गर्दै अर्थमन्त्री डा. प्रकाशशरण महतले एक सय रुपैँयामा नै उद्योग दर्ता गर्न सकिने व्यवस्था सरकारले मिलाएको जानकारी दिनुभयो ।
नयाँ कम्पनी दर्ता र पुँजी वृद्धि गर्दा कुनै पनि शुल्क नलाग्ने व्यवस्था मिलाइएको महतले बताउनुभयो । एक सय रुपैँया मात्रै अधिकृत पुँजी घोषणा गरेर कम्पनी खोल्न सक्ने व्यवस्था गरिएको उहाँले बताउनुभयो ।
अनलाइनबाट नै कम्पनी दर्ता र खारेजी गर्न सक्ने गरी प्रक्रिया सरल बनाउने उहाँले जानकारी दिनुभयो ।
