काठमाडाैं । सरकारले त्रिभुवन विश्वविद्यालय क्रिकेट मैदानलाई अन्तर्राष्ट्रिय स्तरको रूपमा विकास गर्ने भएको छ ।
साेमबार संघीय संसद्काे संयुक्त बैठकमा आगामी आर्थिक वर्ष २०८०-८१ काे बजेट सार्वजनिक गर्दै अर्थमन्त्री डा. प्रकाशशरण महतले साे जानकारी दिनुभएकाे हाे । त्रिवि मैदानमा फ्लडलाइट जडान गर्ने घोषणा पनि उहाँले गर्नुभयाे ।
अर्थमन्त्री महतले मुलपानी मैदानको निर्माण कार्य पनि पूरा गर्ने घाेषणा गर्नुभयाे । विराटनगरमा गिरिजाप्रसाद कोइराला क्रिकेट रंगशाला, बैतडीमा दशरथ चन्द क्रिकेट रंगशाला, कैलालीमा फाप्ला क्रिकेट रंगशाला र काठमाडाैंमा सुवर्णशमसेर क्रिकेट रंगशाला निर्माण गरिने बजेटमा उल्लेख छ ।
