काठमाडाैं । आगामी आर्थिक वर्ष २०८०-०८१ का लागि १७ खर्ब ५१ अर्ब रुपैयाँको बजेट ल्याएकाे छ ।
साेमबार संघीय संसद्का दुवै सदनकाे संयुक्त बैठकमा अर्थमन्त्री डा.प्रकाशशरण महतले आगामी आर्थिक वर्षको साे आकार बराबरकाे बजेट सार्वजनिक गर्नुभएकाे हाे ।
जसमा चालुतर्फ ११ खर्ब ४१ अर्ब ७८ करोड अर्थात् ६५.२ प्रतिशत, पुँजीगततर्फ ३ खर्ब २ अर्ब ७ करोड अर्थात् १७.२५ प्रतिशत र वित्तीय व्यवस्थापनतर्फ ३ खर्ब ७ अर्ब ४५ करोड अर्थात १७.५५ प्रतिशत विनियोजन गरिएको छ ।
अर्थमन्त्री महतका अनुसार बजेटका स्रोतमध्ये राजश्वबाट १२ खर्ब ४८ अर्ब ६२ करोड उठाउने लक्ष्य राखिएको छ । वैदेशिक अनुदानबाट ४९ अर्ब ९४ करोड प्राप्त गर्ने लक्ष्य सरकारको छ । ४ खर्ब ५२ अर्ब ७५ करोड न्यून हुने रकम वैदेशिक ऋणबाट २ खर्ब १२ अर्ब ६२ करोड र २ खर्ब ४० अर्ब आन्तरिक ऋणबाट व्यहोरिनेछ ।
कर्मचारीले पाउने पोसाक भत्ता, प्रोत्साहन भत्ता, महँगी भत्ता तथा अत्तिरिक्त समय भत्ता समेत कटौती गरिएको छ । सर्वाधिक चासाेकाे रुपमा रहेकाे सामाजिक सुरक्षा भत्ता पनि बढाइएकाे छैन ।
हेर्नुस् पूर्णपाठ :
