काठमाडौं । नेकपा एमालेका उपाध्यक्ष तथा पूर्व अर्थमन्त्री विष्णुप्रसाद पौडेलले सरकारले ल्याएको बजेटले देशकाे आर्थिक समस्या समाधान गर्न नसक्ने बताउनुभएकाे छ ।
सोमबार बजेट सार्वजनिक भएपछि संघीय संसद् भवन परिसरमा सञ्चारकर्मीका जिज्ञासाकाे जवाफ दिँदै उपाध्यक्ष पाैडेलले याे बजेटले मुलुकका समस्या चिन्न र समाधान दिन नसकेकाे बताउनुभयाे । उहाँले भन्नुभयाे - 'चलन चल्तीका कार्यक्रमको घोषणाबाहेक अरु केही हुन सकेन, आगामी आर्थिक वर्षको बजेटले आम जनतामा आशा उत्साह दिन सकेन ।'
अर्थतन्त्र मन्दीमा गएकाे अवस्थामा पनि सरकारले त्यतातर्फ ध्यान नदिएकाे बताउँदै उपाध्यक्ष पाैडेलले भन्नुभयाे - 'अर्थतन्त्र जुन संकटको अवस्थामा छ, मन्दीमा छ यो सच्याइलाई बुझेर जुट हाइटबाट समाधान दिनुपर्थ्याे, त्यो दिन सकेन ।' सरकारले लिएको ६ प्रतिशतको आर्थिक वृद्धिको लक्ष्य पनि बजेटले पूरा नगर्ने उहाँले बताउनुभयाे ।
उपाध्यक्ष पाैडेलले याे बजेट कार्यान्वयन हुने कुनै सम्भावना नरहेकाे पनि बताउनुभयाे । उहाँले भन्नुभयाे - 'कार्यान्वयन हुने कुनै सम्भावना नै छैन, किनभने राजश्व परिचालनको दृष्टिले चालु आर्थिक वर्षमा जुन दर्दनाक अवस्था छ, आउने आर्थिक वर्षमा १२ खर्ब ४८ अर्बको राजश्वव परिचालनको यसले अनुमान गरेको छ, न यसले प्रक्षेपण गरेको राजश्व परिचालन गर्न सक्छ, न यसले प्रक्षेपण गरेको अन्तर्राष्ट्रिय सहयोग परिचालन गर्न सक्छ, न यसमा खर्चका निम्ति जुन प्रस्ताव गरिएको छ, तदनुकुलको खर्च न प्रबन्ध गर्न सक्छ र ६ प्रतिशतको आर्थिक वृद्धिको लक्ष्य पनि पूरा हुने सम्भावना छैन ।'
