काठमाडौं । राष्ट्रिय प्रजातन्त्र पार्टीले आइतबारको प्रतिनिधि सभा बैठकको नियमित कार्यसूची हटाएर अत्यन्त जरुरी सार्वजनिक महत्त्वको विषयमा छलफल गर्न माग गरेको छ ।
प्रतिनिधिसभा नियमावली २०७९ को नियम ७४ बमोजिम अत्यन्त जरुरी सार्वजनिक महत्त्वको विषयमा छलफल गर्न आइतबारको बैठकमा कार्यक्रम स्थगित गर्न राप्रपाले प्रस्ताव दर्ता गराएको हो । राप्रपाका प्रमुख सचेतक ज्ञानबहादुर शाहीले प्रतिनिधि सभा सचिवालयमा सो प्रस्ताव दर्ता गराउनुभएको छ ।
राष्ट्रपतिले नीति र नियम विपरीत नागरिकता विधेयक प्रमाणीकरण र प्रधानमन्त्रीले भारत भ्रमणमा मुलुकको हित विपरीत कार्य गरेको भन्ने कुरा उठेको हुँदा सो विषयका छलफल नगरी संसद् नियमित रूपमा अगाडि नबढ्ने हुँदा निर्धारित सबै कार्यक्रम स्थगित गरियोस् भनि पार्टीको तर्फबाट शाहीले माग गर्नुभएको छ ।
