काठमाडौं । प्रमुख प्रतिपक्षी नेकपा एमालेले प्रधानमन्त्री पुष्पकमल दाहाल प्रचण्डले माफी नमागेसम्म सदन चल्न नदिने बताएकाे छ ।
आइतबार प्रतिनिधि सभा बैठक सुरु हुनासाथ एमाले र रास्वपाका सांसद् उठेर विराेध जनाएका थिए । त्यसपछि सभामुख देवराज घिमिरेले एमाले प्रमुख सचेतक पदम गिरीलाई बाेल्न समय दिनुभयाे ।
सरकारले नै संविधानकाे धज्जी उठाएकाे उहाँले बताउनुभयाे । संवैधानिक ढाँचामा कीर्ते गरेर नागरिकता विधेयक प्रमाणीकरण गर्ने काम भएकाे प्रमुख सचेतक गिरीले बताउनुभयाे ।
राष्ट्रपतिले गैर संवैधानिक काम गरेको र प्रधानमन्त्री पुष्पकमल दाहाल प्रचण्डले भारत भ्रमणका क्रममा कालापानी र लिम्पियाधुरा लगायत क्षेत्रको बारेमा दिएको अभिव्यक्तिलाई दिएकाे भन्दै एमालेले सदन अवरुद्ध गरेको छ ।
राष्ट्रपतिबाट भएकाे असंवैधानिक कदम नसच्चिएसम्म र भारत भ्रमणका क्रममा प्रधानमन्त्री प्रचण्डले दिएकाे राष्ट्रहित विपरीतकाे अभिव्यक्ति सम्बन्धमा सदनमा माफी नमागेसम्म सदन चल्न नदिने चेतावनी प्रमुख सचेतक गिरीले दिनुभयाे ।
राष्ट्रपतिकाे कदम विरुद्ध प्रमुख प्रतिपक्षी एमालेलाई रास्वपा र राप्रपाले पनि साथ दिएका छन् । उनीहरुले पनि सदनमा विराेध जनाएका छन् ।
