काठमाडाैं । प्रमुख प्रतिपक्षी नेकपा एमालेका एमालेका सांसद् रघुजी पन्तले प्रधानमन्त्री पुष्पकमल दाहाल प्रचण्डले सदनलाई ढाँटेकाे बताउनुभएकाे छ ।
साेमबार बसेकाे प्रतिनिधि सभा बैठकमा प्रधानमन्त्री प्रचण्डसँग स्पष्टिकरण माग गर्दै सांसद् पन्तले एमालेकाे विराेध नागरिकता विधेयककाे विषयवस्तुमा भन्दा पनि अहिले प्रक्रियाका विषयमा विराेध गरिरहेकाे बताउनुभयाे ।
प्रधानमन्त्री प्रचण्डले संसद्काे विशेषाधिकार हनन गर्ने काम गर्नुभएकाे भन्दै उहाँले आपत्ति जनाउनुभयाे । सांसद् पन्तले प्रश्न गर्नुभयाे - ' कन्टेन्टमा हाम्रा केही प्रश्न निश्चय छन्, तर नागरिकता विधेयकमा हाम्राे ठूलाे आपत्ति प्रकियामा हाे, संसद्काे विशेषाधिकार हनन भएकाे कुरामा हाे, पुष्पकमल दाहाल प्रचण्ड देशकाे प्रधानमन्त्री हाे कि उहाँ सभामुख पनि हाे ?'
संविधानकाे धारा ११३ ले विधेयम प्रमाणीकरण गरेर राष्ट्रपतिकहाँ पठाउने अधिकार सभामुख र राष्ट्रिय सभा अध्यक्षलाई हुने बताउँदै उहाँले प्रश्न गर्नुभयाे - 'त्याे अधिकार खाेस्ने अधिकार प्रधानमन्त्रीलाई कहाँबाट प्राप्त भयाे ? चिन्दै नचिनेकाे, संसद्ले बिर्सिसकेकाे अघिल्लाे सभामुख याे संसद्मा हुनुहुन्न, उहाँकाे सिक्नेचरलाई आधार बनाएर त्यसमा क्याबिनेटले सिफारिस गरेकाे चिठीलाई राष्ट्रपतिले प्रमाणीकरण गर्नुभएकाे छ, संसद्काे विशेषाधिकार हनन भएकाे छ, सभामुखकाे अधिकार खाेसिएकाे छ ।'
