काठमाडाैं । नेकपा एमाले संसदीय दलका नेता केपी शर्मा ओलीले बंगलादेश जाने बाटाे कुनै सट्टापट्टाकाे विषय नभएर नेपालकाे अधिकारकाे विषय भएकाे बताउनुभएकाे छ ।
साेमबार प्रतिनिधि सभामा समय लिएर बाेल्दै एमाले अध्यक्ष ओलीले प्रधानमन्त्री पुष्पकमल दाहाल प्रचण्डले भारत भ्रमणका क्रममा बंगलादेश जाने बाटाेका लागि कालापानी, लिपुलेक र लिम्पियाधुराबारे विचार गर्न नसकिने अभिव्यक्ति दिनु गलत भएकाे बताउनुभयाे ।
'बंगलादेश जाने बाटाे या पारवहनकाे विषय सट्टापट्टाकाे विषय हाेइन, त्याे नेपालकाे अधिकारकाे विषय हाे, याे पहिले नै टुंगिएकाे छ ।' बंगलादेश जान कुनै जमिन दिनुपर्छ भन्ने कुरा गलत भएकाे अध्यक्ष ओलीले प्रष्ट पार्नुभयाे । उहाँले भन्नुभयाे - 'बंगलादेश जाने बाटाे पाउनका लागि भनेर जुन उच्चारण भयाे, याे नितान्त गलत हाे, नभएकाे विषय अत्यन्त कमजाेर ढंगले उठ्याे सम्माननिय प्रधानमन्त्रीकाे भारत भ्रमणकाे बेला ।'
बंगलादेशकाे माेडल भनेकाे जमिन लिएर दिएर नभएर आफ्नाे आफ्नाेमा फर्कियाैं भन्ने रहेकाे अध्यक्ष ओलीले प्रष्ट पार्नुभयाे । कुनै पनि देशकाे सरकारलाई, संस्थालाई, निकायलाई, आफ्नाे जमिन आफ्नाे भूमि अर्कालाई दिने अधिकार हुँदैन, याे संविधानमा हुन सक्ने कुरै हाेइन, विदेशी भूमिमा यसरी बाेल्नु दुर्भाग्य हाे ।'
सीमा समस्या समाधान गर्न विभिन्न विकल्प हुने र तथ्य प्रमाणका आधारमा छलफल गर्न सकिने भन्दै अध्यक्ष ओलीले सुगाैली सन्धिभन्दा ठूलाे तथ्य प्रमाण केही हुन नसक्ने बताउनुभयाे ।
प्रधामन्त्रीकाे भारत भ्रमण फितलाे भएकाे उहाँले बताउनुभयाे । नेपालकाे संसद्ले नेपालकाे भूमि समेटिएकाे नक्सा सर्वसम्मतिले दुवै सदनले पारित गरेर संविधान संशाेधनकाे अंग बनाइसकेकाे अध्यक्ष ओलीले स्मरण गर्नुभयाे । सुगाैली सन्धिअनुसार १ सय ४६ वर्षसम्म भाेगचलन गरेकाे भूमि आज आएर सदर गराउने भन्नु गलत रहेकाे उहाँले बताउनुभयाे ।
प्रधानमन्त्री प्रचण्डले नेपालकाे भूमि मिचियाे भनेर स्पष्ट बाेल्न नसकेकाे बताउँदै अध्यक्ष ओलीले भन्नुभयाे - 'हाम्राे सिमाना मिचिने, हामी बाेल्न नमिल्ने ? सीमा भन्दा वरसम्म आएर छिमेकी मित्रराष्ट्रका फाैज बस्ने, हामीले सिमानाभन्दा वर आयाे भन्न नमिल्ने ? अनि त्याे कुरा अडकलीअड्कली, डराइडराइ, साेचि विचारी बाेल्न ।'
मुर्रा भैंसीकाे विषयलाई उठाएर सत्ता पक्षले विवादकाे विषयलाई विषयान्तर गर्न खाेजेकाे उहाँले बताउनुभयाे । अध्यक्ष ओलीले भन्नुभयाे - 'प्रधानमन्त्रीले भारत गएर फितलाे प्रदर्शन गर्नुभयाे, नेपालकाे शीर ठडिनेगरी प्रधानमन्त्रीज्यू प्रस्तुत हुन सक्नुभएन ।'
प्रधानमन्त्रीले प्राेटाेकलकाे धज्जी उडाएकाे बताउनुभयाे ।
