काठमाडाैं । नेकपा एमाले संसदीय दलका नेता केपी शर्मा ओलीले प्रधानमन्त्री पुष्पकमल दाहाल प्रचण्डकाे भारतकाे भ्रमणमा प्रोटोकल भद्रगोल भएकाे बताउनुभएकाे छ ।
साेमबार प्रतिनिधि सभा बैठकमा समय लिएर बाेल्दै एमाले अध्यक्ष ओलीले प्रधानमन्त्री प्रचण्डले भारतीय पक्षसँग छलफल गर्दा सरकारका मन्त्री र कर्मचारी भन्दा आफ्नी छोरीलाई प्राथमिकता दिएकाे बताउनुभयाे । उहाँले पीए छोरीलाई महत्वपूर्ण भेटमा सहभागी गराएर प्रधानमन्त्री प्रोटोकल मिचेकाे बताउनुभयाे ।
उहाँले भन्नुभयाे - 'वास्तवमा भन्ने हाे भन्ने प्राेटाेकल पनि मिलेन, परराष्ट्रमन्त्री कता छ थाहा छैन, अर्काे मन्त्री कता थाहा छैन कता छ ? अर्थमन्त्री कता छ थाहा छैन, नेताहरु कता छन् थाहा छैन ? उहाँकाे पीए छाेरी छेउमा देखिन्छ, पीए राख्नुभएकाे छ, परराष्ट्रमन्त्री राख्नुभएकाे छैन, परराष्ट्र सचिव छैन, परराष्ट्रकाे चीफ अफ प्राेटाेकल छैन, परिवारकाे सदस्य राख्नुभएकाे छ ।'
अध्यक्ष ओलीले छोरी फर्स्ट लेडी हुन नसक्ने बताउनुभयाे । 'फर्स्ट लेडी भनेर परिवारका सदस्यलाई भनिँदैन, भाेलि नातिनी लिएर जानुभयाे भने सकेण्ड लेडी भन्ने ? यस्ताे भद्रगाेल गर्न हुँदैन, त्यहाँ त परराष्ट्रमन्त्री हुनुपर्छ वार्ताहरुमा, मन्त्रीहरु हुनुपर्छ, परराष्ट्र सचिव हुनुपर्छ, त्यहाँ नाेट मेकिङ गर्ने अफिसियल रेकर्ड राख्ने मानिस हुनुपर्छ ।'
भारतीय प्रधामन्त्री नरेन्द्र माेदी र त्यहाँकाे प्रतिनिधि मण्डलसँग कुरा गर्दा भएका विषयकाे टिपाेट गर्ने अवस्था समेत नदेखिएकाे बताउनुभयाे । यस्ताे फितलाे तरिकाले विदेश सम्बन्ध नहुने भन्दै उहाँले यस्ता सम्बन्धलाई मर्यादित बनाउनुपर्ने र अफिसियल रेकर्ड राखिनुपर्ने बताउनुभयाे
