काठमाडाैं । नेकपा एमालेका प्रमुख सचेतक पदम गिरीले बजेट निर्माणका क्रममा विचाैलियाहरुलाई राखेर करका दर हेरफेर गरेकाे विषयमा जवाफ दिन सरकारसँग माग गरेकाे छ ।
मंगलबार बसेकाे प्रतिनिधि सभा बैठककाे सुरुमै समय लिएर बाेल्दै प्रमुख सचेतक गिरीले करका दर हेरफेरकाे विषयमा तत्काल सदनमा जवाफ दिन अर्थमन्त्री डा. प्रकाशशरण महतलाई आग्रह गर्नुभयाे ।
उहाँले भन्नुभयाे - 'याे सामान्य विषय हाेइन, याे यथार्थ के हाे ? यसकाे विषयमा माननीय अर्थमन्त्रीज्यूले राेष्ट्रममा आएर चित्तबुझ्नेगरी जवाफ दिनुपर्याे, आम जनताले बुझ्न पाउनुपर्छ भन्ने हाम्राे माग छ, हामी सुशासन र पारदर्शिताकाे पक्षमा छाैं, हरेक खालका नीतिगत भ्रष्टाचारका विरुद्धमा एमाले दृढतापूर्वक उभिएकाे छ ।'
यस विषयमा चित्तबुझ्दो जवाफ नआए संसदीय छानबिन समिति बनाएर छानबिन गर्न पनि प्रमुख सचेतक गिरीले माग गर्नुभयाे ।
