बजेटलाई आर्थिक र समयको अनुशासनमा बाँध्ने प्रयास भएको छ : दिलेन्द्र बडू

काठमाडाैं । नेपाली कांग्रेसका सांसद् दीलेन्द्रप्रसाद बडूले सरकारले ल्याएकाे बजेट सकारात्मक रहेकाे बताउनुभएकाे छ ।

बुधबार बसेकाे प्रतिनिधि सभा बैठकमा बजेटमाथिकाे छलफलमा बाेल्दै सांसद् बडूले सरकारले ल्याएकाे बजेटले देशकाे आर्थिक अवस्थालाई सम्बाेधन गर्ने बताउनुभयाे ।

बजेटले पुँजीगत खर्च बढाउने र अनुत्पादक खर्चलाई घटाउने प्रयत्न गरेकाे भन्दै उहाँले याे सकारात्मक पक्ष रहेकाे बताउनुभयाे । बजेटमा कार्यान्वयनको अनुगमनको प्रभावकारिता बढाउने तथा २० वटा सार्वजनिक संस्थालाई खारेजी तथा गाभ्ने निर्णय सकारात्मक रहेको सांसद् बडूले बताउनुभयाे ।

बजेटलाई आर्थिक अनुशासन र समयकाे अनुशासनमा बाँध्ने काेशिस भएकाे उहाँले बताउनुभयाे । बजेट कार्यान्वयन हुन सके परिणाम आउने भन्दै उहाँले आर्थिक वर्षकाे सुरु र अन्तिम महिनामा रकमान्तर नगर्ने कुरा पनि सकारात्मक रहेकाे बताउनुभयाे ।