काठमाडाैं । प्रमुख प्रतिपक्षी नेकपा एमालेका सांसद् रघुजी पन्तले गाेरखा, नुवाकाेट र डडेल्धुराका लागि धेरै बजेट छुट्याइएकाे भन्दै आपत्ति जनाउनुभएकाे छ ।
बिहीबार बसेकाे प्रतिनिधि सभा बैठकमा बजेटमाथिकाे छलफलमा बाेल्दै सांसद् पन्तले प्रधानमन्त्री पुष्पकमल दाहाल प्रचण्ड, अर्थमन्त्री डा. प्रकाशशरण महत र कांग्रेस सभापति शेरबहादुर देउवाकाे जिल्लाका लागि विकास बजेट धेरै छुट्याइएकाे भन्दै आपत्ति जनाउनुभयाे ।
पहिला पहिला लर्के जवान गएन, माया नलाइ भएन, चाैतारीमा मायालु दुई जना बसेकाे भन्ने गीत सुनाउँदै उहाँले प्रधानमन्त्री र अर्थमन्त्रीलाई लर्के जवान आएकाे बताउनुभयाे । 'बजेटमा ग्वाम्म हात हालेकाे छ नुवाकाेटमा घाेप्ट्याएकाे छ, अर्काेले बजेटमा हात हालेकाे छ गाेरखामा मा घाेप्ट्याएकाे छ, अर्काे छेउमा याे सबै जुटाउने मै हाे भनेर मादल बजाएर बसेका छन् डडेल्धुराका उनकामा पनि घाेप्ट्याएकाे छ, अरु सबै हेरेकाे हेर्यै ? प्रधानमन्त्री र अर्थमन्त्रीलाई आएकाे छ लर्के जवान, सत्तापक्षका माननीयले यसले ठिकै भन्याे भन्नुभएकाे छ, देशकाे प्रधानमन्त्री निर्वाचन क्षेत्रकाे प्रधानमन्त्री हुँदैन'- सांसद् पन्तले बताउनुभयाे ।
बजेट खन्याएर मात्र चुनाव जितिन्छ भन्ने सपना नदेख्न चेतावनी दिँदै उहाँले प्रचण्डलाई लक्षित गरेर भन्नुभयाे - 'बजेट खन्याएर मात्रै चुनाव जितिने भए चितवन छाडेर गाेरखा किन जानुपर्थ्याे ? आफैं विचार गर्नुस् ।'
जनताले देशलाई नेतृत्व दिन सक्ने, सपना दिन सक्ने, सपनामा डाेर्याउन सक्ने र त्याे सपनाका लागि समर्पित भएर लाग्ने नेता खाेजेकाे सांसद् पन्तले बताउनुभयाे ।
प्रधानमन्त्री देशकाे प्रधानमन्त्री भएकाे र उसले देशका सबै जनतालाई हेर्नुपर्ने भन्दै उहाँले कम्तिमा मनमाेहन अधिकारी र वीपी काेइरालाबाट केही सिक्न समेत सुझाउनुभयाे । 'मनमाेहन अधिकारीले ७० वर्षकाे उमेरमा १०० रुपैयाँ वृद्धभत्ता देउ भनेर कराउँदा आफ्नाे मान्छे काेही थिएनन् देशका लाखाैंलाख वृद्धहरुकाे तस्विर थियाे अगाडि, वीपी काेइरालाले याेजना आयाेगकाे कक्षमा हलाे जाेतिरहेकाे किसानकाे तस्विर राख भनेर भन्दाखेरी काेइराला परिवारका काेही सदस्य थिएनन्, सिकाैं हामीले आफ्ना नेताबाट'- सांसद् पन्तले बताउनुभयाे ।
दाल केकाे गहतकाे
बजेट कसकाे महतकाे
धनाड्यकाे जुँगामा ताउ
गरिबले चाहिँ हावा खाउ
हुनेखाने मस्तराम
हुँदा खाने ठण्डाराम
बजेट आयाे बजेट आयाे
अन्तमा जनता जिल्लराम भन्ने कविता सुनाउँदै उहाँले सरकारकाे बजेट यस्तै रहेकाे बताउनुभयाे । सांसद् पन्तले बजेट दिशाहीन रहेकाे पनि बताउनुभयाे
