काठमाडौं । नेकपा एमालेकी सांसद् भगवति न्याैपानेले सरकारले ल्याएकाे बजेट देशकाे अहिलेकाे आर्थिक अवस्थालाई ुसम्बाेधन गर्न नसकेकाे बताउनुभएकाे छ ।
बिहीबार बसेकाे राष्ट्रिय सभा बैठकमा बजेटमाथिकाे छलफलमा बाेल्दै सांसद् न्याैपानेले देशकाे अर्थतन्त्र मन्दीमा पुग्दा पनि सरकार गम्भीर नबनेकाे बताउनुभयाे । देशकाे अर्थतन्त्रलाई सुधार गर्न प्रतिपक्षीले सुझाव दिँदा विराेध सम्झने काम सरकारले गरेकाे उहाँले बताउनुभयाे ।
सांसद् न्याैपानेले विश्व अर्थतन्त्रलाई दाेष देखाएर सरकारले देशलाई मन्दीकाे बाटाेमा लगेकाे बताउनुभयाे । सरकार भित्र-भित्रै रोग पालेर बाहिर स्वस्थ देखिन चाहेको तर रोगको कारण खोज्न नचाहेको भन्दै उहाँले आर्थिक मन्दीकाे घरेलु कारण खाेज्न सरकारकाे ध्यानाकर्षण गराउनुभयाे ।
अहिले देशको अर्थतन्त्र इतिहासकै कमजोर अवस्थामा पुगेकाे भन्दै सांसद् न्यौपानेले बिग्रेको अर्थतन्त्र सुधार्न प्रतिपक्षी दलको सुझाव सरकारले ग्रहण गर्नुपर्ने बताउनुभयाे । देशको अर्थतन्त्र डुब्दा सरकार मात्र नभएर सिंगाे देश र जनता डुब्ने भएकाले यसबाट पार लगाउन प्रतिपक्षले सरकारलाई सहयोग गर्न तयार रहेको बताउनुभयाे ।
आर्थिक मन्दीबाट देशलाई बचाउनको लागि गोलमेच सम्मेलन गर्न सरकार तयार छ भन्दै उहाँले प्रश्न समेत गर्नुभयाे । 'प्रतिनिधि सभामा एक जना माननीय (याेगेश भट्टराई) ले भन्नुभएकाे थियाे, याे देशकाे अर्थतन्त्रलाई सुदृढ बनाउनका लागि, मन्दीबाट देशलाई जाेगाउनका लागि एउटा गाेलमेल सम्मेलन गराैं भनेर, याे सरकार तयार छ ? तर याे सरकार तयार छैन ।'
अहिलेको अवस्थाबाट देशलाई पार लगाउन प्रतिपक्ष लगायत विज्ञहरुले दिएको सुझावलाई पनि सरकारले ग्रहण गर्नुपर्ने बताउनुभयाे । देशमा राजश्व कति राजश्व कति उठेको छ, सरकारको लक्ष्य कति हो भन्ने बारेमा सरकार आफैं अन्यौलमा रहेकाे भन्दै उहाँले चालु आर्थिक वर्षमा मात्रै करिब ३ खर्बको राजश्व कमी भएको हुँदा लक्ष्य अनुसारको राजश्व संकलन किन हुन सकेन भन्नेबारे अर्थमन्त्रीले जवाफ दिनुपर्ने बताउनुभयाे ।
सरकारले विद्युत बेच्नुको साटो नदी नाला नै भारतलाई सुम्पिने नीति लिएको भन्दै सांसद् न्याैपानेले आपत्ति जनाउनुभयाे ।
