काठमाडाैं । नेकपा एमालेका सचिव एवं सांसद् गाेकर्ण विष्टले सरकारले ल्याएकाे बजेटले देशकाे विद्यमान आर्थिक समस्या समाधान गर्नै नसक्ने बताउनुभएकाे छ ।
शुक्रबार बसेकाे प्रतिनिधि सभा बैठकमा बजेटमाथिकाे छलफलमा बाेल्दै सांसद् विष्टले अहिलेकाे आर्थिक संकटकाे सम्बाेधन गर्न र मन्दीबाट माथि उठाउन बजेट सफल नहुने बताउनुभयाे । उहाँले भन्नुभयाे - 'विद्यमान आर्थिक संकटकाे सम्बाेधन र मन्दीबाट माथि उठाउन याे बजेट सफल देखिँदैन, जुनकिरीकाे पिँधले स्वर्ग उज्यालाे हुँदैन भनेजस्तै याे बजेटले समस्याकाे समाधान गर्न सक्दैन ।'
शिक्षा, स्वास्थ्य, खाद्य सुरक्षा, आवासमा बजेटले आधारभूत वर्गकाे हित र गरिबहरुकाे हितलाई सम्बाेधन गर्न नसकेकाे सांसद् विष्टले बताउनुभयाे ।
प्रधानमन्त्री पुष्पकमल दाहाल प्रचण्ड, अर्थमन्त्री डा. प्रकाशशरण महत र नेपाली कांग्रेसका सभापति शेरबहादुर देउवाकाे जिल्लामा धेरै बजेट विनियाेजन गरिएकाे तर अन्य ठाउँका क्रमागत याेजना काटिएकाे भन्दै उहाँले आपत्ति जनाउनुभयाे । सांसद् विष्टले भन्नुभयाे - 'बजेटले उत्पादन बढाउँदै उपभाेग बढाउँछ अर्थात आयाता बढ्छ, आयातमुखी अर्थतन्त्रले देशलाई झन् झन् परनिर्भर बनाउँछन्, संकटबाट मुक्त गर्नेगरी बजेट आउनुपर्थ्याे, तर आयाेजना छनाेटमा कुनै विधि प्राथमिकता र आवश्यकता छैन, डडेल्धुरा गाेरखा र नुवाकाेटमा बजेट बढ्याे र क्रमागत याेजना काटिन्छन् ।'
सरकारकाे ल्याएकाे बजेटबाट आशा गर्नु भनेकाे म्यालकाे रुख राेपेर स्याल-सुन्तला फलाउन खाेज्नु मात्र भएकाे उहाँले बताउनुभयाे । सांसद् विष्टले भन्नुभयाे - 'पहुँचका आधारमा याेजनाहरु बजेट केन्द्रित भएकाे छ, विधि र न्याय स्थापित भएन, एउटा भनाइ छ - 'तथालिंग देशकाे भताभुंग चाला जाेजसले सक्छ उसउसले खाला' सरकारकाे याे बजेटबाट आशा गर्नु भनेकाे म्यालकाे रुख राेपेर स्याउ-सुन्तला फलाउन खाेज्नु मात्र हाे, सम्भव हुन सक्दैन, पाटेगाेरु ब्याउँछ र बेउती खाउला भन्ने आशा गर्नु मात्र हाे, सम्भव हुन सक्दैन, याे बजेटबाट आशा गर्ने ठाउँ छैन ।'
