काठमाडाैं । राजेन्द्र कुमार राईले सरकारले ल्याएकाे बजेटले देश र जनताका लागि नआएकाे बताउनुभएकाे छ ।
शुक्रबार बसेकाे प्रतिनिधि सभा बैठकमा बजेटमाथिकाे छलफलमा बाेल्दै सांसद् राईले राष्ट्र र जनताकाे निम्ति आएकाे नदेखिएकाे बताउनुभयाे । केही नेताका लागि आएकाे बजेट पुर्नलेखन गर्नुपर्ने प्रस्ताव समेत राख्नुभयाे । उहाँले भन्नुभयाे - 'याे बजेट केही नेताका निम्ति मात्रै अनूकुल देखियाे, याे पुर्नलेखन गर्नुपर्छ, म अर्थमन्त्रीलाई आग्रह गर्छु यसमा व्यापक छलफल गरेर यसलाई पुर्नलेखन गराैं ।'
सरकारले ल्याएकाे बजटेले भात दिएकाे तर थाल नदिएकाे बताउँदै सांसद् राईले भन्नुभयाे - 'याे बजेट गाउन नहुने गीत र सुन्न नहुने कथाजस्ताे छ, यसले जनताकाे समृद्धि बाेक्न सक्दैन भनेर सबै मानिस भनिरहेका छन् ।'
बजेटमा धनकुटा जिल्लालाई प्राथमिकता दिन नसकेकाे भन्दै उहाँले पीएचडी गरिसक्नुभएका अर्थमन्त्रीलाई ७७ जिल्लामा धनकुटा जिल्ला थाहा नभएकाे टिप्पणी गर्नुभयाे । सांसद् राईले भन्नुभयेा - 'त्यही धनकुटा जिल्लाबाट वर्षमा १ अर्ब तरकारी सिलुगढी बंगलादेश जान्छ, त्यही धनकुटकाे सुन्तला दक्षिण एसियामा उत्कृष्ट छ, सबैभन्दा राम्राे चिया, एभाेकाडाे र ड्रागन फ्रुड छ, एभाेकाडाे प्रशाेधन केन्द्रकाे बारेका बाेल्नुपर्थ्याे, धनकुटा जिल्ला किन बिर्सनुभयाे, यत्राे विद्वान अर्थमन्त्रीले बिर्सिन मिल्छ ?'
बजेटकाे समानुपातिक वितरण हुनुपर्ने भन्दै उहाँले प्रधानमन्त्री पुष्पकमल दाहाल प्रचण्ड, पूर्वप्रधानमन्त्री शेरबहादुर देउवा र अर्थमन्त्री महतकाे जिल्लामा धेरै बजेट छुट्याइएकाे भन्दै उहाँले आपत्ति जनाउनुभयाे । 'अहिले व्यापक हल्ला छ,प्रधानमन्त्री, भूपु प्रधानमन्त्री र अर्थमन्त्रीकाे जिल्लामा धेरै बजेट विनियाेजन भएकाे हल्ला छ, लाेकतन्त्रमा याे गर्नु ठिक कि बेठिक ? हिजाे हामीले सामाजिक न्याय र लाेकतन्त्रका निम्ति लामाे समय संघर्ष गर्याैं, त्याे संघर्ष भनेकाे सामाजिक न्याय र सबै नेपाली जनताकाे आर्थिक समृद्धि र विकासकाे निम्ति थियाे, अर्थमन्त्रीले त्यसाे गर्नुभएकाे हाे भने त्याे बेठिक हाे, मुलुककाे समृद्धि र विकास यसरी सम्भव छैन'- सांसद् राईले भन्नुभयाे ।
कृषि विश्वविद्यालय बनाउन उहाँले आग्रह गर्नुभयाे । अल्पसंख्यक आठपरिया जाती भएकाे जिल्ला भएकाे भन्दै सांसद् राईले संग्राहलय बनाउने याेजना अघि सारिएकाेमा अर्थमन्त्रीले बजेट काटिएकाे भन्दै आपत्ति जनाउनुभयाे । केपी ओली नेतृत्वकाे सरकारका पालामा धनकुटामा खुल्ला कारागार बनाउन १ कराेड बजेट विनियाेजन भएकाे भन्दै उहाँले त्याे पैसा काटिएकाे बताउनुभयाे । सांसद् राईले प्रश्न गर्नुभयाे - 'के भयाे अर्थमन्त्रीज्यू यस्ताे धनकुटामा त पैसा काटेकाे काट्यै गर्नुहुन्छ, कांग्रेसले जितेन भनेर हाे ? यस्ताे हुन शाेभा दिन्छ ?'
