काठमाडौं । प्रतिनिधि सभामा आज अर्थमन्त्री डा. प्रकाशशरण महतले आर्थिक वर्ष २०८०-०८१ को राजस्व र व्ययको वार्षिक अनुमान (बजेट) माथि उठेका प्रश्नकाे जवाफ दिँदै हुनुहुन्छ ।
बजेटमाथिकाे छलफल आइतबार सकिएसँगै अर्थमन्त्री महतले सांसद्हरुले उठाएका प्रश्नहरुकाे आज जवाफ दिन लाग्नुभएकाे हाे ।
हिजाे नै अर्थमन्त्रीले जवाफ दिने कार्यक्रम भएपनि सांसद्हरुले बाेल्ने क्रम लम्बिएपछि सभामुख देवराज घिमिरेले अर्थमन्त्रीकाे जवाफका लागि १ दिन समय थप्नुभएकाे हाे ।
प्रतिनिधि सभामा जेठ २१ गतेदेखि बजेटमाथि छलफल सुरु भएकाे थियाे ।
अर्थमन्त्री महतले जेठ १५ गते संघीय संसद्काे दुवै सदनकाे संयुक्त बैठकमा बजेट प्रस्तुत गर्नुभएकाे थियाे । राष्ट्रिय सभामा बजेटमाथिकाे छलफल सकिएर अर्थमन्त्रीले जवाफ पनि दिइसक्नुभएकाे छ ।
नीति तथा कार्यक्रम र बजेटकाे तालमेल नमिलेकाे, निश्चित निर्वाचन क्षेत्रलाई मात्रै बजेट छुट्याइएकाे, बजेट सन्तुलित नभएकाे भन्दै प्रतिपक्षसँगै सत्ता पक्षका सांसद्ले समेत असन्तुष्टि जनाएका छन् ।
