काठमाडाैं । स्वतन्त्र सांसद् डा. अमशेरकुमार सिंहले प्रधानमन्त्री पुष्पकमल दाहाल प्रचण्ड र अर्थमन्त्रीले डा. प्रकाशशरण महतले बजेटलाई आफ्नै पुर्खाकाे सम्पत्ति ठानेकाे बताउनुभएकाे छ ।
बिहीबार बसेकाे प्रतिनिधि सभा बैठकमा बजेटको मन्त्रालयगत शीर्षकमाथिको छलफलमा बाेल्दै सांसद् सिंहले सत्ता गठबन्धनका शीर्ष नेताले बजेटलाई पुर्खाको सम्पत्ति ठानेर आफ्नो जिल्लामा लगेका बताउनुभयाे ।
बजेटमाथि छलफल गर्नु नै बेकार रहेकाे भन्दै उहाँले १२ प्रतिशत मात्रै पुँजीगत खर्च हुने मुलुकमा विकासकाे गति अगाडि बढ्न नसक्ने बताउनुभयाे । सांसद् सिंहले बजेटमाथिको छलफलमा मन्त्री बसेर नहुने सिधै प्रधानमन्त्री भए मात्र छलफलकाे औचित्य हुने भन्दै सांसद् सिंहले प्रधानमन्त्री प्रचण्डले गणतन्त्रकाे राजा हूँ भनेजसरी । '४-५ जनाकाे श्रीसम्पत्ति जस्तै बाँडेर, त्यसमा मन्त्रीहरु उहाँहरुकाे एसमेन भएर छलफल गरेर बेकार छ, मालिकहरु यहाँ बसे पाे छलफल हुन्थ्याे, जाे आफ्नै पुर्खाकाे सम्पत्ति ठानेर आफ्नै जिल्लामा र क्षेत्रमा लैजानुभएकाे छ, त्याे मालिकहरु जबसम्म यहाँ बस्दैनन् छलफलकाे औचित्य छैन, उहाँलाई त छुँदै छुँदैन उहाँ त गणतन्त्रकाे राजा ।'
जनतामाथि कर लगाउने र प्रधानमन्त्री मन्त्रीहरु कराेडाैंकाे पजेराे चढ्ने हेलिकाेप्टर चढ्ने, आफ्ना छाेराछाेरीलाई पीए बनाएर पैसा उठाउन लगाउने काम भइरहेकाे भन्दै सांसद् सिंहले आपत्ति जनाउनुभयाे । मधेश प्रताडित रहेकाे भन्दै उहाँले बजेटमा मधेशलाई हेपिएकाे बताउनुभयाे ।
धाउने मन्त्रीहरुलाई भिख दिएझैँ दिने अरुलाई बजेटमा वास्ता नै नगरिएकाे भन्दै सांसद् सिंहले आपत्ति जनाउनुभयाे । उहाँले सर्लाहीमा कुनै याेजना नराखिएकाे भन्दै आपत्ति जनाउनुभयाे । मधेसमा दलित, चमार र मुसहर बस्तीका बालबालिकाको अनुहार हेरेर बजेट बनाउन उहाँले माग गर्नुभयो ।
भ्रष्टाचारीहरुलाई सरकारकाे संरक्षण रहेकाे भन्दै उहाँले त्यही भएर भ्रष्टाचारकाे विराेध गर्नेलाई सरकारले पक्राउ गरिरहेकाे बताउनुभयाे । 'गेरुवस्त्रधारी सरकार भ्रष्टाचारीहरुकाे संरक्षणका लागि बनेकाे हाे, भ्रष्टाचारीहरुलाई सरकारकाे पूरा संरक्षण छ सपाेर्ट छ, याे नेपाली जनता बालबालिका कसैका लागि बनेकाे हाेइन'- उहाँले भन्नुभयाे ।
याे देशमा लुटेराहरुमा मात्र बस्ने गरेका र युवाहरुलाई लखेट्ने गरेका सांसद् सिंहले बताउनुभयाे । धुन्धुकारी गेरुवस्त्रधारी सरकारले ३ दिनका लागि मुख्यसचिव नियुक्त गरेकाे समेत उहाँले बताउनुभयाे ।
