काठमाडाैं । नेकपा एमालेका सांसद् वसन्त नेम्वाङले एमालेले सरकार छाडेपछि विकास निर्माण ठप्प भएकाे बताउनुभएकाे छ ।
शुक्रबार बसेकाे प्रतिनिधि सभा बैठकमा 'विनियोजन विधेयक, २०८० अन्तर्गत भौतिक पूर्वाधार तथा यातायात मन्त्रालय शीर्षकको खर्च रकमलाई घटाई एक रुपैयाँ कायम गरियोस्' भनी खर्च कटौतीको प्रस्ताव प्रस्तुत गर्दै उहाँले एमाले सरकारले थालेकाे याेजना गठबन्धन सरकारले राेकेकाे बताउनुभयाे ।
एमालेले विकास र समृद्धिसँगै सुरुङमार्गकाे नयाँ युगकाे थालनी गरेकाे सांसद् नेम्वाङले स्मरण गराउनुभयाे । उहाँले भन्नुभयाे - 'प्रत्येक २ दिनमा एउटा पुल निर्माण सुरु भयाे, प्रत्येक १ दिनमा ४ लेन र २ लेनका सडक कालाेपत्रे भए, प्रत्येक १ दिनमा ३ किलाेमिटर बढी बाटाे बन्याे, हामी सरकार छाेडिसकेपछि याे २ वर्ष गठबन्धन सरकारले यसमा ध्यान दिएकाे छैन, आगामी वर्षकाे बजेटमा पनि प्रतिबद्धता जाहेर गर्दैन ।'
बहुवर्षिय योजनाका रुपमा ठेक्का लागेका सडक आयोजनाहरुलाई सरकारले वेवास्ता गरेको भन्दै उहाँले आयोजना सिर्जना गरेर विगतमा सुरु गरेका आयोजनालाई भुक्तानी दिन समस्या हुने बताउनुभयो । काठमाडाैं-नाैबिसे सुरुङ मार्ग लगायत सुरुङ मार्गहरुलाई द्रुत रुपमा अगाडि बढाउन सांसद् नेम्वाङले सरकारकाे ध्यानाकर्षण गराउनुभयाे ।
प्रस्तुत बजेटले भौतिक प्रगति र लक्ष्य प्राप्त गर्न नसक्ने भन्दै उहाँले विनियोजन विधेयकको संशोधन हुनुपर्ने बताउनुभयाे । सांसद् नेम्वाङले भन्नुभयो - 'मन्त्रालयले आन्तरिक बजेट बाँडफाँट गर्दा विभिन्न उपशीर्षकमा जथाभावी गरिएको छ, समन्यायिक सिद्धान्तलाई कार्यान्वयनमा ल्याइएको छैन, प्राथमिकीकरण गर्न सकेको छैन, जथाभावी नेताको मनोमानी र खुसीलाई प्राथमिकता दिँदा कुनै भूगोललाई मिलाउन सकिएको छैन, यसरी उपशीर्षकमा बजेट विनियोजन गरिएकाले भौतिक प्रगति र लक्ष्य प्राप्त गर्न सकिदैन, त्यसैले बजेट परिमार्जन गर्नुपर्छ ।'
सडक निर्माण र पुल निर्माणमा सरकारले पर्याप्त बजेटको व्यवस्था नगरेकाले आवश्यक बजेट व्यवस्था गर्नुपर्ने सांसद् नेम्वाङले बताउनुभयाे ।उहाँले राष्ट्रिय गौरवका आयोजनामा राष्ट्रिय राजमार्गलाई भूगोलका आधारमा विकास गर्नुपर्ने बताउनुभयो । सांसद् नेम्वाङले भन्नुभयो- 'यो विनियोजन विधेयकमा संशोधन हुनुपर्छ, जसरी हाम्रो पार्टीका अध्यक्ष केपी शर्मा ओलीले विनियोजन विधेयक संशोधन हुनुपर्ने आवश्यकता औँल्याउनुभएकाे थियाे, याे विधेयक संशाेधन गर्दैमा सरकार ढल्दैन ।'
