काठमाडाैं । नेकपा एमालेका सांसद् रघुजी पन्तले त्रिभुवन विश्वविद्यालयका उपप्राध्यापक प्रेम चलाउनेमाथि आक्रमण गर्नेहरुकाे मुद्दा फिर्ता लिनु जघन्य अपराध भएकाे बताउनुभएकाे छ ।
साेमबार बसेकाे प्रतिनिधि सभा बैठककाे शून्य समयमा बाेल्दै सांसद् पन्तले उपप्राध्यापक चलाउनेलाई मरणासन्न हुनेगरी कुट्ने तत्कालीन नेविसंघका एकाई अध्यक्षसहित ५ जना विरुद्धकाे ज्यान मुद्दा फिर्ता लिनु आपत्तिजनक रहेकाे बताउनुभयाे ।
शेरबहादुर देउवाका पालामा त्याे मुद्दा फिर्ता लिन खाेजिएकाे र चाैतर्फी विराेध भएपछि राेकिएकाे भन्दै उहाँले अहिले फिर्ता लिइएकाे बताउनुभयाे । सांसद् पन्तले भन्नुभयाे - 'शेरबहादुरजीकाे पालामा पनि मुद्दा फिर्ता लिन खाेजिएकाे थियाे, विराेध भएपछि राेकिएकाे थियाे, अहिले उहाँहरुले फिर्ता लिनुभएकाे छ, यसरी ज्यान मुद्दा फिर्ता लिनु याे जघन्य अपराध हाे, सुशासन विराेधी काम हाे ।'
उहाँले विद्यालय र विश्वविद्यालयमा ज्ञान आर्जन गरेर मुलुककाे भविष्यका लागि याेग्य बन्नुपर्ने विद्यार्थीलाई हामी कस्ताे बनाइरहेका छाैं भन्ने प्रश्न उठेकाे बताउनुभयाे ।
सांसद् पन्तले भन्नुभयाे - उनीहरु विद्यालय,विश्वविद्यालयमा जान्छन्, त्यहाँ उनीहरुले ज्ञानगुनका कुरा सिक्छन्, विद्या आर्जन गर्छन्, मुलुककाे भविष्यप्रति चिन्तित हुन्छन् र मुलुककाे भविष्यका लागि याेग्य नागरिक बनेर निस्कन्छन, तर हामी विद्यार्थीलाई कस्ताे बनाउँदैछाैं ? तत्कालीन नेविसंघका एकाई अध्यक्षदेखि ५ जना विरुद्ध मुद्दा चलेकाे थियाे मरणासन्न हुनेगरी त्रिविका प्राध्यापकलाई कुटेकाेमा ज्यान मुद्दा चलेकाे थियाे, भर्खरै पूर्वाञ्चलमा महेश दाहालमाथि कालाेमाेसाे पाेत्ने काम भयाे, अरु पनि विश्विद्यालयमा विद्यार्थीहरुकाे हालत राम्राे पाउँदैनाैं ।'
