काठमाडाैं । राष्ट्रिय स्वतन्त्र पार्टी (रास्वपा) का सांसद् मनिष झाले जनता प्राकृतिक विपत्तिकाे मारमा पर्दा पनि सरकारले चाँसाे नदिएकाे भन्दै आपत्ति जनाउनुभएकाे छ ।
साेमबार बसेकाे प्रतिनिधि सभा बैठककाे शून्य समयमा बाेल्दै सांसद् झाले विपद् व्यस्थापनका लागि काम गर्नुपर्ने बेलामा गृहमन्त्री नारायणकाजी श्रेष्ठ माेर्चा बनाउन व्यस्त रहेकाे भन्दै कटाक्ष गर्नुभयाे ।
उहाँले विपद् जोखिम व्यवस्थापनबारे सदनलाई जानकारी गराउन गृहमन्त्रीकाे ध्यानाकर्षण गराउनुभयाे ।' आज पहाड जाेखिममा छ भने, भाेलि तराई-मधेश जाेखिममा हुनेछ, तर हामीले गृहमन्त्री र उहाँकाे तयारीबारेमा जानकारी पाइराखेका छैनाैं, सायद उहाँ माेर्चा बनाउन व्यस्त हुनुहुन्छ, प्रधानमन्त्री र जिम्मेवार पदमा रहेका व्यक्तिले यसका लागि के गर्दै हुनुहुन्छ ? हामी जवाफ चाहान्छाैं'- सांसद् झाले भन्नुभयाे ।
पूर्वी पहाडी जिल्लामा हालै बाढीपहिराेकाे विपद् आएकाे भन्दै सांसद् झाले मरिन्छ कि भन्ने डरबाट जनता आक्रान्त भइरहेका बताउनुभयाे । उहाँले भन्नुभयाे - 'मृत्यु भन्दा पनि ठूलाे डर मरिन्छ कि भन्ने हुन्छ, त्याे पीडाले सधैं मारिरहेकाे हुन्छ, अहिले पहाडको केही जिल्लाहरुलाई त्यही त्रासले मारिरहेको छ, केही व्यक्ति प्राथमिक उपचार नपाएर मरिरहेका छन्, जस्तै ताप्लेजुङमा हिजाे सुरेश राईकाे मृत्यु भयाे, त्यसरी नै सबै क्षेत्र जाेखिमा रहेकाे छ ।'
