प्रतिनिधि सभा बैठक बस्दै, बजेटमाथि उठेका प्रश्नको मन्त्रीहरुले जवाफ दिँदै

काठमाडौं । प्रतिनिधि सभाको बैठक आज बस्दैछ ।

संघीय संसद् नयाँ बानेश्वरमा बिहान १० बजे बस्ने बैठकमा विनियोजन विधेयकमाथिको छलफल जारी रहनेछ । सांसद्हरुले खर्च कटाैतिकाे प्रस्ताव पनि पेस गर्ने सम्भावित कार्यसूची छ ।

विनियोजन विधेयक, २०८० अन्तर्गत मन्त्रालयका विभिन्न शीर्षकहरूमाथिको छलफलका क्रममा उठाइएका प्रश्नहरूको सम्बन्धित मन्त्रीहरूले जवाफ दिने सम्भावित कार्यसूची पनि छ ।

बैठकमा गृह, वन तथा वातावरण, महिला, बालबालिका तथा ज्येष्ठ नागरिक, युवा तथा खेलकुद, सहरी विकास मन्त्रालय, उद्योग, वाणिज्य तथा आपूर्ति मन्त्रालय, भौतिक पूर्वाधार तथा यातायात मन्त्रालय र सञ्चार तथा सूचना प्रविधि मन्त्रालयमाथिका प्रश्नहरूको जवाफ दिइने संसद् सचिवालयले जनाएको छ ।