हिमाल र पहाडमा जनसंख्या कम हुँदै जानु चिन्ताको विषय : सभामुख घिमिरे

काठमाडाैं । प्रतिनिधि सभाका सभामुख देवराज घिमिरेले पछिल्लो जनगणनाको तथ्यांकले हिमाल र पहाड रित्तिँदै गएको देखाएकोमा चिन्ता व्यक्त गर्नुभएको छ ।

सोमबार काठमाडौंमा राष्ट्रिय जनगणना २०७८को अन्ति म नतिजा ग्रहण गर्दै सभामुख घिमिरेले तथ्यांक अनुसार हिमाल र पहाड रित्तिँदै जानु र तराई लगायत शहरी क्षेत्रमा जनघनत्व बढ्नुले सामाजिक र राजनीतिक दुवैतर्फ असर पर्ने बताउनुभयो ।

उहाँले राज्यको नीति तथा कार्यक्रम तय गर्दा तथ्य तथ्यांक जरुरत पर्ने भएकाले यसकाे आवश्यकता बढ्दै गएको बताउनुभयाे ।

सभामुख घिमिरेलाई राष्ट्रिय तथ्यांक कार्यालयका सचिव रामप्रसाद थपलिया नेतृत्वको टोलीले राष्ट्रिय जनगणना २०७८ को नतिजा बुझाएको हो ।