काठमाडाैं । नेकपा एमालेका प्रमुख सचेतक पदम गिरीले सरकार निष्पक्ष चुनावकाे विपक्षमा उभिएकाे बताउनुभएकाे छ ।
मंगलबार बसेकाे प्रतिनिधि सभा बैठकमा बाेल्दै प्रमुख सचेतक गिरीले निर्वाचन आयाेगकाे जिल्ला कार्यालय खारेज गर्ने निर्णय गरेर सरकार निष्पक्ष चुनावकाे विपक्षमा रहेकाे बताउनुभयाे ।
जिल्ला निर्वाचन कार्यालयलाई जिल्ला प्रशासन कार्यालय मातहत राखेर सरकारले आगामी चुनाव प्रभावित पार्ने तयारी गरेकाे उहाँले बताउनुभयाे ।प्रमुख सचेतक गिरीले भन्नुभयाे - 'याे सरकारले बुझिकन ल्याएकाे छैन, सरकार याे मुलुकमा निष्पक्ष निर्वाचनकाे विपक्षमा छ, नियाेजित ढंगले आउने निर्वाचनलाई प्रभावित पार्ने उद्देश्य यसभित्र अन्तरनिहीत छ, निर्वाचन गराउने कार्यालयलाई खारेज गरेर जिल्ला प्रशासन कार्यलयभित्र लगेर एउटा इकाइका रुपमा स्थापना गर्ने काम नियाेचित ढंगले भएकाे भन्ने हामिले बुझिरहेका छाैं ।'
उहाँले सरकार पक्षधर दलहरु आफ्नाे जनमत गुमिसकेपछि, जनतामा आफ्नाे विश्वास गुमिसके पछाडि अब आउने निर्वाचनलाई प्रभावित पार्नुपर्छ भन्ने मनशायसाथ सरकारले साे निर्णय गरेकाे बताउनुभयाे ।
यस विषयमा एमाले र अरु विपक्षी दलले पटक-पटक अनुराेध गर्दा पनि सरकारले याे निर्णय खारेज नगरेकाे प्रमुख सचेतक गिरीले बताउनुभयाे । उहाँले भन्नुभयाे - 'याे अर्थमन्त्रीकाे मात्रै कुरा हाेइन, याे सरकारले किन याे काम गर्दैछ ? यसबारे पनि स्वयम् प्रधानमन्त्री नै आएर जवाफ दिनुपर्नेसम्मकाे विषय हाे, त्यसकारण याे विषयमा सरकारकाे तर्फबाट आएर याे निर्णय फिर्ता लियाैं भनाैँ अनि हामी बाँकी काम अगाडि बढाउँछाैं ।'
